ချစ်ခြင်းကို စာမဖွဲ့ ချင်တော့ပေမဲ့
အပြစ်ကင်းတဲ့ မင်းမျက်လုံးတွေက
အရာရာကို ပြောင်းလဲဖန်တီးနေသလို
ရင်အစုံကို တကယ်လှုပ်ရှားစေခဲ့ပြီမို့
တင်းထားတဲ့ငါ့မာန နင့်အချစ်အောက်မှာခဝါချ
စနစ်တကျနဲ့ပုံဖော် အချစ်ပင်လယ်အတွင်း
နှလုံးသားလှေတစ်စီးအတွက်
နားလည်မှုလှော်တက်နဲ့ဆင်
ချစ်ခြင်းတွေနဲ့ခရီးနှင် မှိန်ပြပြကမ်းအဝင်
သံယောဇဉ်ကျောက်ဆူးကြိုးချ
ကြင်နာသောင်ပြင်ဆီ ကမ်းကပ်မယ်ကြံလေမှ
ရုတ်တစ်ရက်ကျလာတဲ့ သံသယမုန်တိုင်း
မေတ္တာဆိုတဲ့ရေလှိုင်းကိုမြိုဝါး
အမှန်တရားတွေ ဝေဝါး အဟန့်တားကများလေတော့
အမုန်းလွင်တီးခေါင်ကြီးမှာ အလွမ်းဇတ်သဘင်ကို
ခပ်သွက်သွက်အာဘောင်အာရင်းနဲ့
အဆွေးသီချင်းတွေဆိုညည်း ခါးသီးစွာအချစ်ကြီးတဲ့ငါ
တစ်ယောက်တည်းအဖော်ကွဲ အလွမ်းတွေသာကဲလို့
No comments:
Post a Comment