အမှောင်ကမ္ဘာမှာ ယောင်ချာချာနဲ့
ထင်ရာကိုမှန်း မမြင်မစမ်း
ရမ်းရော်တမ်းတ အတွေးတစ်စ
ဆွေးမြမြကွယ် အဝေးကိုရွယ်
အသွေးကြယ်တဲ့ ငွေကြယ်အလင်း
တိမ်မှုန်ကင်းစ အလင်းပြပြကို
မြင်ပါရစေ တောင်းဆုချွေလျှက်
အနေခက်လှ အိပ်မရခဲ့
စိတ္တဇနဲ့ပဲ ညဉ့်နက်ခဲ့။
အတိတ်တစ်ချက် နှိပ်စက်ကလူ
ရက်စက်သူမျိုး အငြိုးတွေခြား
လွမ်းအားပိုဆဲ မိုးရိပ်မဲမှောင်
စံနန်းဆောင်ဝယ် လရောင်မသန်း
မစံမြန်းချင် အလွမ်းကင်းစင်
တိမ်ဖြူဆင်လျှက် မိုးရိပ်ကင်းကင်း
ညခင်းကြယ်စင် အလင်းတွင်သာ
မော်ဖူးကြည်နူး ပျော်မြူးချင်လှ
ဆုတောင်းနေရ အချစ်မဲ့ည။
ဖြစ်ခဲ့သမျှ အချစ်မရ
အိပ်ပျက်ညရဲ့ ဒဏ္ဍာရီလား
ကဗျာမပီ စာမညီခဲ့
မျှော်ရည်နွမ်းလျ ကျွမ်းလုအသည်း
လွမ်းရိပ်ကဲလျှက် တမ်းတနေလည်း
မေ့အသည်းရှင် မခင်လေတော့
ကြင်ဖော်နဲ့လွဲ ရင်ထဲနာကျင်
အရှုံးသခင်မို့ အပြုံးတစ်ချက်သာ
မြင်ပါရစေ။
No comments:
Post a Comment