***လမ်းခွဲ***

ကဗျာလေးတွေမြင်တိုင်း
ရင်တစ်ခုလုံးဗြောင်းဆန်အောင် လွမ်းတယ်
ကြည်နူးခဲ့တဲ့အချိန်တွေကိုပဲ
စက္ကန့်တိုင်းခုံမင်နေမိတယ်။

အသက်မရှိတဲ့စာသားတွေက
ရောင်ပြန်မေတ္တာတွေပေးခဲ့လေတော့
ခံစားတတ်တဲ့လူသားတစ်ယောက်ဆီက
မေတ္တာကို ငါပြန်ပြီးတောင့်တမိပါရဲ့။

အလင်းမဲ့တဲ့ဆောင်းည
နှင်းမှုန်လေးတွေနဲ့ ရသစုံစွာပေးခဲ့သူရေ
မရေရာတဲ့ပုံရိပ်တွေတမ်းတရင်း
စိတ္တဇ၀င်္ကပါမှာလမ်းမှားနေတဲ့ အရူးတစ်ယောက်လို
နင့်ရဲ့ညှို့ချက်တွေအောက်မှာ လွင့်မျောနေမိတယ်ဟာ။

ဆုံမှတ်မရှိမှန်းသိနေတဲ့
အသိစိတ်ကြောင့်ချိုးနှိမ်ထားတဲ့
စကားလုံးတွေ့ကိုပွေဖက်ရင်း
အနာဂတ်ကို ဆက်မလျှောက်ချင်ဘူး
နင့်အသံလေးကိုပဲ တယုတယလေး
နားဆင်ခွင့်လေးရှိပါရစေ။

ငတက်ပြားကတော့ သေတော့မဲ့အတူတူ
မိဖုရားစောဥမ္မာကိုရချင်တယ်တဲ့လေ
ငါလည်းနင်နဲ့ဝေးရင် ခံစားရမဲ့အတူတူ
နှလုံးသားနဲ့ရင်းလို့ အသည်းတွေကြေမွတော့မှာမို့
နောက်ဆုံးဖွင့်ဟခဲ့ချင်တယ် အရာအားလုံးထက်
ပိုသာတဲ့ချစ်ချင်းတရားတွေနဲ့
နင့်ကိုငါ (အရမ်းချစ်တယ်) လို့ပေါ့ ချစ်သူရယ်။.....(လရိပ်လေး)

***လွမ်းအဆိပ်သင့် ည***

ဆောင်းညမှာလေ ကြယ်တွေကြွေလို့
လရောင်မှိန်ဖျော့ မော့မော့လေးငေးနေ
ချစ်ရသူရေ ဘယ်ဝယ်ဘယ်ဆီမြန်း
မှန်းဆကာလေ တမ်းတမပြေ
နွမ်းလျဘ၀င်မှာ မဖြေသာတကယ်လွမ်း
လာလမ်းကိုပဲ ကမ်းလင့်ကြိုနေ။

စေလိုရာစေ မသွေချစ်မှာမို့
ဘယ်သို့နေနေ ကြင်နာတွေဆင်ပွား
ချစ်အားကပိုနေ နေ့ရက်တွေပြောင်းသော်ငြား
မုန်းမေ့ကာဘယ်မထား မြောက်ပြန်လေပြေကြားမှာ
စိတ်အားရယ်ငယ် ရင်ဝယ်ခံစား
လွမ်းအားကပို ဖြေမဆည်သို့လေ။

ကျွမ်းရင့်ကာနေ လွမ်းဆိပ်တွေသင်ပြီမို့
မနေသာကြိတ်ကာခဲ တစ်ယောက်ထည်းငိုနေ
ကျေးစေကာစာလွှာပါးပေမဲ့ ခွန်းသွဲ့စာမခြွေ
နေနိုင်သူကြီးက ရက်စက်လေအား
နွေကန္တာလိုပူပေမဲ့ မမေ့ရက်လေတော့
ဆွေးလျက်သာလေ လွမ်းလို့မျှော်နေ။.....(လရိပ်လေး)
   

***မေ့မှာတမ်း***

မှာချင်တယ် မောင်ကြီးရေ
တစ်နယ်မြေ ဝေးနေအား
မမေ့ထားပဲ ချစ်ပါလေ။

မေ့မှာတမ်းခြွေ။
ကျေးမစေ စာမပါးလည်း
ချစ်ခွန်းကြားစေ။
တို့တစ်တွေ ငယ်ရိပ်ဆွေး
မေ့နိုင်သေးပေ။

ဝေးနေချိန်မှာ မောင်မေ့မလား
အတွေးပွားလျှက် ရင်မှာနွေ၊
ခင့်မှာလေ စိုးထိတ်လေးနဲ့
တိုးတိတ်ဆွေး ဆွေးလျှက်ပေ။

မွေးရပ်မြေ ချစ်သက်သေခြေရာလေးက
ခင့်အတွက်လေ ဆွေးရတက်ပွေရင်မအေးတာကြောင့်
ဘုံဓလေ့မှာကွယ့်အတူနေ
ဆုံဖို့လေ မ၀ံ့တွေး။
မွေးရပ်ထံ လာလမ်းဖွေးကိုပဲ
မောင်ကြီးရေ လွမ်းရှာရဲ့လေး။......(လရိပ်လေး)

***လွဲမှားတဲ့ Valentines day ***

အဏ္ဏ၀ါရဲ့ တေးသွားတွေကို ထားခဲ့ရင်း
အိပ်မက်ကောင်းကင်လည်း ရီဝေနေခဲ့ပြီ
အရိုင်းဆန်တဲ့ ကဗျာကလည်း
လူသားတွေရဲ့ ရင်ကိုထိုးချင်းမဖောက်နိုင်တော့ဘူး….

ဘ၀တစ်ခုလုံး လောင်မြိုက်နေပြီချစ်သူ….
ဖေဖော်ဝါရီ (၁၄) တဲ့လေ….
အတိတ်ကို အနက်ရောင်ဆိုးလို့
မိုနာလီဇာ မျက်နှာပေးနဲ့ ခင်းပြလိုက်မယ်
အထီးကျန်ခြင်းတွေ မြေပြင်မှာလင်းထိန်နေလိုက်တာ
အောက်ဆီဂျင်ရှူဖို့ တောင် ခပ်မေ့မေ့။

ငါ မတောင်းဆိုပါဘူး ချစ်သူ…
ရည်စူးတိုင်းမှ ပန်းမပွင့်တာ
ရေစီးကြောင်းအတိုင်း အလိုက်သင့်လေးစီးမျောမယ်
valentine ခြေရာ ငါ့ရင်မှာနန်းမတင်သမျှ
အက်ကွဲတဲ့ရှိုက်သံကို မီးတောက်နဲ့
စီးချင်းထိုးဖို့ တံဆိပ်နှိပ်လိုက်ပြီ။

ညို့ချက်တွေနဲ့ပြုစားပြီးမှ
နန်းကျဘုရင်တစ်ပါးရဲ့ရသကို
ဇာတ်သိမ်းလိုက်စမ်းပါ မျက်နှာဖုံးမရောင်းပါနဲ့
"ပကတိ" ကို လေလံတင်ချင်တာ။

ချစ်ချင်းသက်သေ တဲ့လား...
သေဆုံးခြင်းကို အရောင်တင်တာ
ငါကလည်းအရိပ်မဲ့ လင်းအမှုန်လေးတောင်
မဖန်ဆင်းနိုင်တာ ရင်ခုန်ခြင်းကို
ဒီညလေးမှာ ၀ိုင်တစ်ခွက်နဲ့ ပဲ
လောင်ကျွမ်းစေခဲ့မယ်....ချစ်သူ။......(လရိပ်လေး)

***ကြမ္မာလွဲတဲ့ တေးသွား***

ခေတ်တဲ့လား...
အသစ်ကို လက်ခံခြင်းပဲလား
စနစ်ရဲ့ သားကောင်ကို ရုံသွင်းကာပြလို့ 
အမြင်တွေ ဝေ့ဝေ့၀ါးဝါးနဲ့  ယဉ်ကျေးမှုတွေ အဆိပ်သင့်ခဲ့ပြီ
နေ၀င်လုလု သာသနာတွေ ညိုမဲစွဲလို့့
ကိုယ်ကျင့်တရားတွေလည်း မြေခလို့ ငိုကြွေးခဲရပြီ။

ညီညွှတ်ခြင်းတဲ့...
မှန်ချပ်ကို ထောင်ကြည့်လိုက်တော့
တစ်စစီကျဲပြန့် လို့ 
မြေလွှာဟာ ပက်ကြားအက်တယ်
သွေးရဲရဲ ပန်းချီတွေထဲမှာ
မျက်နှာမွဲတွေရဲ့ ရှင်သန်ခြင်းတွေက
အ၀ီစိကို ဦးတည်နေလေရဲ့။

ဖွံ့ ဖြိုးခြင်းတဲ့...
အသိတွေတမွဲမွဲနဲ့  တောင်ကတုံးတွေပေါ်မင်းမူတယ်
မြစ်ချောင်းတွေတောခိုလို့ 
မောင်ငယ်ရင်သွေးကတရားစီရင်
ရှေးအမွေအနှစ်ကို ဟော်တယ်တွေမြိုလို့ 
ပြည်ပနဲ့  ဂဟေဆက် မျက်နှာသစ်တွေကို
သွားရည်ကျစေတယ်။

စာနာမှုတဲ့...
မြို့ ဟောင်းက အုပ်တစ်ချပ်ဖြစ်ခဲ့ပြီ
ဝေဒနာသည်တွေကိုအကျဉ်းချ
တစ်ဝမ်းစာလေးတောင် မသထာတတ်တော့
ကောင်းကင်ကိုကျောခိုင်းထွက်
ငရဲနဲ့ မိတ်ဆက်လိုက်တယ်
ခြစားတဲ့ ဦးနှောက်တွေနဲ့ 
အကြံကုန် ဂဠုန်ဆားချက်တဲ့
ဒီပိတ်ကားတွေက အရောင်မွဲမွဲနဲ့ 
အဖြူအမဲထဲပဲ တ၀ဲလည်လည်။

ထိန်းသိမ်းစောင့်ရှောက်ခြင်းတဲ့...
စကားလုံးတွေသာ ဆေးခြယ်တတ်ကျလေရဲ့
အာဇာနည်ဆိုတာ အဆိုတော်လို့  မှတ်နေကြပြီ
မျက်နှာဖုံးအောက်မှာ မျက်နှာတွေဝှက်
သူရဲကောင်းသွေးတွေ အရောင်ပြယ်တယ်
မမေ့အပ်ခြင်းတွေ အရောင်တလက်လက်ထလည်း
ဒီရာဇ၀င်တွေ မြေမြိုသွားတယ်
ဇာတာကိုပဲ ရိုးပြီး လက်ညိုးထိုးရတော့မလား
ကြမ္မာထွက်သက် ငင်တဲ့ ရက်ကိုပဲ
လက်ချိုးရေရင်း
တေးတစ်ပုဒ် ဆိုငြီးနေလိုက်တော့မယ်
ကြမ္မာရဟတ်လို့လေ။.....(လရိပ်လေး)

***အိမ်မက်မဲ့ ည***

သဇင်တစ်ခက်မာန်တက်စွာနဲ့
အမြင့်နန်းမှာပွင့်လန်းနေတုန်း
ဖန်ဆင်းရှင်ရဲ့လက်နက်ပုန်းကြောင့်
မာယာရမ္မက်ကြားမှာ
ပါးပါးလေးခြွေချခံလိုက်ရတယ်.။

မမြင်နိုင်ပေမဲ့ စီးမျောခြင်းကိုကျေနပ်လက်ခံရင်း
ဝတ်ရည်ကို စုပ်ယူခွင့်မရှိတဲ့
ပျားတစ်ကောင်လို မျှော်လင့်ချက်တွေ
လက်ပြနှုတ်ဆက်ရပြီပေါ့။

နှလုံးသားစာမျက်နှာမှာ
အချစ်ဆုံးလို့ မှတ်ကျောက်တင်လိုက်တာ
ဥပေက္ခာတွေပဲ ရသမြောက်လာတယ်
မျက်ရည်ကို ခစားရင်း။

မျဉ်းပြိုင်ရဲ့နိယာမကိုလက်ခံပေမဲ့
မိုက်မဲခြင်းတွေကို သိမ်းပိုက်ထားတော့
မိုးခါးရေပဲ ဆက်သောက်နေမိတယ်။

အလွမ်းဆိုတဲ့အရာကို
သေမိန့်ချလို့ရရင် ချစ်သမိုင်းမှာ
အသည်းသရဖူဆောင်းပေးချင်ရဲ့
ကြေကွဲခြင်းတွေ နန်းချရင်းပေါ့။

အံ့ပါရဲ့........နော်
ငမိုက်သားကို ပိုင်ဆိုင်ချင်တဲ့ဘုရင်မ
ဝဋ်ကြမ္မာကိုအပြစ်ပုံချ
ဆွေးမြေ့ခြင်းတွေသီကုံး
သတိရခြင်းတွေပဲ
တစ်ထီးတစ်နန်းစံနေတော့တယ်။

ဒါပေမဲ့ ငါ အရမ်းပျော်ပါတယ်
နာကျင်ခြင်းသင်္ကေတက
ငါ့ရဲ့ကဗျာတွေဖြစ်တည်လို့
သေရာပါအမှတ်တရကို
အလွမ်း ဆိုတဲ့ကာရံလှလှလေးအဖြစ်
ရေးသီပါရစေတော့ မာယာချစ်သူရေ။....(လရိပ်လေး)

***လွမ်းဘွဲ့စာစီ သခင့်ဆီ .. သို့***

သခင့်အနမ်း တစ်ပွင့်ပန်းမို့
ပွင့်လန်းစဉ်သာ သဲညှာမှာဆင့်
ပွင့်လွှာရင့်ထိ မညှိုးရိပဲ
စွဲငြိခိုဝင် မြစ်တွယ်ချင်သည်
သခင်ကမ်းလင့် ချူပါလေ။

သခင့်အပြုံး လရောင်ရှုံးလိမ့်
ဆက်ထုံးငွေ့ရည် ချစ်ကြိုးသီကာ
တွယ်မှီစိုက်ဆူး မေ့ရင်ဦးဝယ်
ငြိကူးတွယ်လျှက် ချစ်စိတ်ယှက်၍
မေးစက်ခိုဝင် မေ့ရင်ခွင်။

သခင့်သံစဉ် သောတဆင်မိ
ရွှေရင်ငြိကာ တေးသံသာသို့
ရင်မှာထိရှ မက်မောလှ၍
နေ့ညမကွာ ညင်သာစွာဖြင့်
စဉ်သာကြားချင် စိတ်ကူးဝင်။

သခင်သိစေ ကဗျာတွေမွေး
စာပေရေးကာ ဖွင့်ဟပါလည်း
တိမ်လွှာဖုံးကွယ် လပုံနှယ်သာ
ရှောင်ဖယ်ပြေးခဲ့ ဖြေရာမဲ့တော့
လွမ်းနဲ့စာစီ တွေးဝေသီကာ
မပီဝိုးဝါး လွမ်းစိတ်ထား၍
စိတ်အားရယ်ငယ် နွမ်းလျတယ်။.....(လရ်ိပ်လေး)

—

***ဗိုလ်ချုပ်ပေးတဲ့ ပြည်ထောင်စုနေ့***

ရှေးရာဇ၀င် သမိုင်းတွင်၏
ပေါ်လွင်ထင်ရှား ညီနောင်ဖွားတို့
သွေးသားရင်းနှယ် ပေါင်းစုတွယ်၍
မျိုးနွယ်စုတွေ လက်တွဲနေသည်
မသွေမပျက် သွေးစည်းလျှက်။

သီပေါမင်းသား နန်းကျသွားသော်
ခွဲခြားခံရ ဗြိတိသျှ၏
ဝါဒဖြန့်ကာ အုပ်ချုပ်တာကြောင့်
မြန်မာပြည်တွင်း ညီနောင်ချင်းတို့
စိတ်ရင်းကွဲကာ သွေးပျက်လာ။

နှစ်ပေါင်းများစွာ ကြိုးစားလာလည်း
သေချာစုစည်း သွေးမနီးတော့
အချည်းနှီးသာ ဖြစ်ရရှာ၏
နောင်လာအုပ်ချုပ် ဂျပန်စုတ်ကို
မောင်းထုတ်တွန်းလှန် စုရုံးပြန်တော့
မြန်ဆန်စွာပင် အောင်ပွဲဆင်။

ဖခင်ဗိုလ်ချုပ် ခေါင်းဆောင်လုပ်၍
ဇွဲထုတ်ကြိုးစား စည်းရုံးအားကြောင့်
စိတ်ထားညီထပ် ရင်ချင်းအပ်၍
လွတ်လပ်ဖို့ရေး ဆွေးနွေးစဉ်ဝယ်
အရင်ရွေးချယ် သီးခြားဖယ်ချင်
လီဆယ်နှိပ်ချ ဗြိတိသျှကို
ပြည်မတောင်တန်း မခွဲခြမ်းပဲ
ဖြောင့်တန်းစွာပေး ရရှိရေးသာ
တလေးတစား တောင်းဆိုရှာ။

ဖေဖော်ဝါရီ ဆယ့်နှစ်ဆီရောက်
ညီညီညာညာ ပင်လုံမှာစု
ရေးကာလက်မှတ် ပေါင်းစုရပ်တည်
စိတ်မြတ်ဂုဏ်ရောင် လမ်းပြဆောင်သည့်
ပြည်ထောင်စုနေ့ စကြုံတွေ့။

တောင်တန်းပြည်မ ပေါင်းစည်းကြကာ
ပြည်ရွာအကျိုး လက်မှတ်ထိုး၍
မျိုးရိုးဂုဏ်ရောင် ဆင့်ကဲဆောင်သည့်
ပြည်ထောင်စုနေ့ ရှိခဲ့၍သာ
တွေ့ကြုံမနှေး လွတ်လပ်ရေးကို
ငြိမ်းအေးချမ်းသာ ရလာတာမို့
ဘယ်ခါမရွေ့ ရက်မြတ်နေ့ကို
မမေ့အပ်ရာ မှတ်သားပါ။..
(ယနေ့မြတ်မှာ ထပ်ကြားမှာ)............(လရိပ်လေး)

***လွမ်းမာယာကို ဦးညွတ်ခြင်း***

ဆောင်းတစ်ညရဲ့မာယာအောက်
ပင့်သက်တွေ အကြိမ်ကြိမ်ကခုန်နေတုန်း။

တောင်ပံကျိုးငှက်တစ်ကောင်ဆီ
ပေးအပ်လာတဲ့ ဖေးမခြင်း
နာကျင်ခြင်းမျက်ရည်တွေကို
ကန္တာရလိုခြောက်သွေ့စေတဲ့ လေပြေတစ်ချက်ကြောင့်
အာရုံခြောက်ပါးစလုံး မှောက်မှားစေခဲ့ပြီ။

မိန့်ခြွေစကား ကင်းကင်းနဲ့
သက်ပြင်းတစ်ချို့ရဲ့ နေညိုချိန်
အိပ်မက်ခြင်းတွေနောက်
အနာဂတ်လမ်းေ၀၀ါးမှုကင်းအောင်
ရဲရင့်ခြင်းတွေ အုတ်မြစ်ချပေးခဲ့တယ်။

ယုံကြည်မှု တည်ဆောက်တုန်း
မုန်တိုင်းမွှေနှောက်
နှောင်ကြိုးတွေပြတ်တောက်
ကြည်နူးခြင်းကမ်းပါး ပြိုပျက်ကျလေရဲ့။

နိဂုံးကျမှ မှော်ဆရာရဲ့
တေးသွားအောက်လူးလွန့်ရင်း
အလွမ်း အက္ခရာလေး
တံဆိပ်လာခတ်တယ်။

မျက်ရည်ပင်လယ်မှာ
ပျောက်ရှနေတဲ့ နှလုံးသားခေါ်သံ
ပြတ်တောက်ခြင်း ရာဇ၀တ်ကောင်က
ကြမ္မာကို ရိုကျိုးခြင်းတွေနဲ့။

လေပြေကို မနမ်းရှိုက်ခဲ့ရင်
ငါ့ရင်ထက် ကာရံတွေနဲ့ပြည့်နှက်မှာမဟုတ်ဘူး
ဖမ်းဆုပ်မရတဲ့ လေဟာနယ်ကို
ရမ္မက်ကြိုးနဲ့ သီလိုက်တာ
ပိုင်ဆိုင်ခြင်းတွေ ကွဲအက်ကုန်တော့တယ်။

ဆောင်းညကို အရောင်တင်မလို့
အချိန်ကမဲ့ပြုံးလေးနဲ့ ရာသီကုန်ပြီတဲ့
အတ္တနဲ့လမ်းခင်း အလွမ်းတွေပဲ
အပိုင်စီင်္းလိုက်တယ်။

ရင်ခုန်ခြင်းလေပြေရေ နင်ခြေရာဖျောက်ခဲ့ပေမဲ့
မဆုံးနိုင်တဲ့ ခရီးကြမ်းမှာ
ချော်ရည်ပူလှလှလေးတွေ အငမ်းမရသွန်ချရင်း
လွမ်းမှတ်တိုင်ကို ငါဦးညွတ်နေအုံးမှာပါ။.

...ရွယ်စူးစိတ်တူ...

မောင့်မူပို
လှတစ်ကိုယ် ယဉ်စိတ်ထားရယ်နဲ့
အသားတော် ဝါဝါညက်ကယ်
သည်းသက်ပိုင်ယူ...

မယ့်ချစ်သူ
အသားဖြူ တည်ကြည်ခိုင်လို့
ပိုင်ဆိုင်လို စိတ်ရွယ်ကိုးတယ်
နှောင်ကြိုးနဲ့လူ...

တူနှစ်ကိုယ်
ရွယ်တူခို မေတ္တာရိပ်ဝယ်ပ
မှေးအိပ်စဉ် ဖွဖွနမ်းမယ်
ညချမ်းတင့်ကူ...

ရွှေရင်ဖို
ချစ်ကွန်းခို သိမ့်သိမ့်တုန်မျှ
သက်ပုံကာ ချစ်ရည်လူးမယ်
ရွယ်စူးစိတ်တူ...

လွှမ်းနောင် နှင့် လရိပ်လေး
ချစ်သူများနေ့အမှတ်တရကဗျာ

***ပတ္တမြားစင်စစ် နွံမနစ်သင့်***

 
အမျိုးမှန်မှ ဖိုးတန်ရ၏
ယောင်ပြတုခိုး အကျင့်ဆိုးကို
မျိုးရိုးမထောက် လောဘရောက်ကာ
မျက်မှောက်ကောင်းရာ တွေးတောကာဖြင့်
ဘာသာခြားအား အယူမှား၍
ဘုရားမေ့ကာ တဏှာမှာမျော
ခန္ဓာနှော၍ မနေသင့်။

တွေးချင့်ဆင်ခြင် အသိဝင်၍
ယဉ်ယဉ်ကျေးကျေး ပျိုမေလေးတွေ
လှရေးဟန်ပို စိတ်ထားချိုလည်း
မဆိုလောက်လေး ခက်ခဲရေးကို
အတွေးပိုကာ ဆင်ခြေရှာ၍
ဘာသာခြားကို ချစ်အားပိုက
ငိုယိုခံစား ဒုက္ခများကာ
ဘုရားမတွေ့ ငရဲရှေ့မှောက်
တစ်နေ့ရောက်ကာ သံသရာမှ
ကင်းကွာဒုက္ခ ဝေးလေစွ။

ကောင်းကျိုးချမ်းသာ အစစ်မှာကား
ဥစ္စာဓန အလှပတွေ
ချပြစရာ မဟုတ်ပါလေ
ရင်မှာမေတ္တာ စေတနာနှင့်
ဆရာသမား မိဘများအား
လေးစား၍သာ သာသနာကို
စဉ်သာအားထား မြတ်တရားနှင့်
ပွားများနေ့စဉ် အလှဆင်မှ
ဖြူစင်အေးမြ စိတ်ထားလှ၍
ဘ၀ငြိမ်းရာ တွေ့မည်သာ။..

***ငွေ့ရည်ဖွဲ့ အလွမ်း***

ချစ်ကြိုးသွယ် ငင်လာ
နွဲ့နှောင်းပလီ မေတ္တာနဲ့
သည်းဆိုင်မှာ လှုပ်ခါယိမ်းတယ်
မေ့ချစ်သည်းရှင်။

မြတ်မျိုးနွယ် ဘုန်းရောင်တင့်ပါလို့
ရွှေရုပ်လွှာ မေ့သခင်
နှောင်ငင်ရစ် အဆတိုး
တွယ်တာချင်သူသိနိုးမို့
ရှက်သွေးဖြာငင်။

ကြိတ်ပိုးတယ် တိတ်တခိုးရယ်မို့
မခို့တစ်ရို့ ပူပင်
မူပိုကာ ရင်ဝယ်သိမ်းကာဖြင့်
တွေးခက်တယ်ရှင်။

ရစ်တိုးတွယ် ချစ်နွံနစ်ကျွံရ
နွမ်းလျရင် ဖြေမရွှင်
ကျွမ်းရင်နင့် လွမ်းရင်ဆင့်ပါလို့
ပုလဲမျက်ရည် ငွေ့ရည်ဖွဲ့သီခဲ့
လွမ်းစ်ိတ်ခိုဝင်။.

***လွမ်းသူ့ ဆုတောင်း***

အဖြစ်အပျက် အသစ်တဲ့
ခေတ်ပဲခေါ်မလား စနစ်ပဲခေါ်မလား
ခံပြင်းခြင်းစစ်ပွဲတွေ အကြိမ်ကြိမ်ပွား
အပြစ်မဲ့တဲ့စစ်ရဲ့သားကောင် ဘ၀များ
နေစရာကရှား စားစရာကမဲ့
ရှေ့ဆက်ဖို့အတွက် ငိုမဲ့မဲ့။

တစ်ချို့အတွက်တော့ ရင့်ကျက်ဟန်ဆောင်လို့
စစ်ဘေးဆိုအသေးမွှား စကားထဲတောင်မထည့်
ရမ္မက်ခိုးဝေ အတ္တတွေထွေခင်းကစား
သုခဘုံလူသားဘ၀ ရသတွေစံစား
မျက်ကန်းတွေ ကြည့်မှန်လုကြတယ်
ထူးကြမတဲ့လား။

ကြမ္မာဆိုးမွှေ ဘ၀ကမိုးနဲ့မြေ
စစ်ဘေးကြောင့် ဘ၀ကြေ
မနေနိုင် ဖေးကိုင်မသူဝေး
သနားစရာ့ဘ၀ပေး
မှေးစက်ရာရှားနေကြရပြီ
စစ်မီးကိုငြိမ်းစေနိုင်မဲ့အား
အခုများသာရချင်လိုက်ပါဘိ
အတိုင်းမသိပျော်ကာ ရှေ့ဆက်မယ်
ထွေးဖက်ကာညီနောင်များ ငြိမ်းကြစေသား။