*** new year စိတ်ကူး***

 
သက္ကရာဇ်တွေ မြေခရင်း
နှစ်သစ်ကို နန်းတင်လိုက်ရပေမဲ့
သတ်ဖြတ်ခြင်းတွေ နန်းမကျသေးပါလား။

ပညာအသိများရောင်းစား ခဏတာလေး
ထိုင်ခွင့်ရဖို့ နှစ်ဟောင်းကို သေမိန့်ကျစေချင်တဲ့သူတွေ
သေမင်းကိုတော့ အံတုလို့ရမယ်မထင်။

ပစ္စုပ္ပန်မှာ မာယာသုံး
သူတလူ ငါတမင်း ၀ါဒတွေစစ်ခင်း
ကြိုမမြင်နိုင်ခြင်းကို အသက်သွင်း
၂၀၁၅ကိုမှ ချက်ချင်း ခုန်ကျော်ချင်နေသူများ
၂၀၁၄ နှစ်သစ်အရသာကို ခံစားလို့မှတတ်ပါရဲ့လို့
မိုက်မိုက်မဲမဲ တွေးလိုက်သေး။

စိတ်ကူးနဲ့ ရေးချယ်ထားလိုက်တယ်
နှစ်သစ်မှာ ဘယ်သူ ထိုင်ထိုင်
ဘယ်သူရပ်ရပ် စိတ်ဓာတ်သန့်သန့်ထားပြီး
မြန်မာပီသဖို့ ကြိုးစားမယ်ပေါ့။

လရိပ်လေး (မောင်းမကန်)
(၃၁ . ၁၂ .၂၀၁၃)

***** မှောင်*****

သမုဒယနှောင်ဖွဲ့
ရစ်နွှယ်ခဲ့တဏှာ အမှောင်မှာ
သံသရာ ဆုံးစေအုံးကွယ်
ရွှင်ပြုံးကာ ချစ်နေလိုက်ရင်း
မိုက်တွင်းနက်တုန်း။

ရုန်းမထွက်သာ
မာယာနွံနစ်ပါလို့
အချစ်သာ ကမ္ဘာထင်
နှစ်လွှာရင် အသည်းထက်မှာ
စွဲမက် မမုန်း။

လရိပ်လေး(မောင်းမကန်)
(၂၄ . ၁၂ .၂၀၁၃ )

***ရင်ပြိုစေသော မိုး***

အားကစားမှာပြော
ဘောလုံးတဲ့လေး။
ရွှေမြန်မာတွေ သွေးနဲ့ရေးကာ
ကြွေးကြော်တဲ့တေး။

နိုင်ငံလုံးသည်ချိန်ခါ
တက်ကြွစွာအားပေး။
မြန်မာရယ် သိက္ခာဆုံးလို့
ရှုံးပြန်ပြီလေး။

အားကစားမယ်တွေ
ရေမြေတွက်တွေး။
ခြေပဂိုး အကြိမ်ကြိမ်သွင်းလို့
တင်းခံလိုက်သေး။

မမြင်ရက်ပါ
နာကျင်လှသေး။
အရည်ချင်းမှာ သာပေမဲ့လည်း
ချိနှဲ့ကြမ္မာ မျက်နှာမွှဲရယ်မို့
လွဲရတဲ့ ဗိုလ်လုပွဲကြောင့်ကွယ်
ဆောင့်အောင့်ငိုကြွေး။

လရိပ်လေး(မောင်းမကန်)
(၁၉ .၁၂ .၂၀၁၃ )

***နှောင်း ဆန္ဒ***

ဆောင်းလေပြေလေး ၊ စိမ့်စိမ့်အေး၍
ဖက်ထွေးလို့သာ ၊ကျီစယ်ပါလျှက်
သူလာနှုတ်ဆက် ချစ်ဟန်စွက်။

ဆောင်းသဇင်လေး ၊ ရနံ့မွှေး၍
ဖြုဖွေးလို့သာ ၊ ဆင်းတင့်စွာဖြင့်
သူလာနှုတ်ဆက် ကေသာထက်။

ငှက်တေးသံလေး ၊ ချိုကြည်အေး၍
ဆိုတေးဖွဲ့ကာ ၊ သံစာစာဖြင့်
သူလာနှုတ်ဆက် ဆောင်းနံနက်။

ဆောင်းလေပြေနှင်း ၊ သဇင်သင်း၍
သီချင်းသံသာ ၊ နှုတ်ဆက်ပါလည်း
သည်းညှာချစ်မှူး ၊ ထားရစ်ဖူးသည့်
ဆောင်းဦးချိန်ခါ ၊ ပြန်ရောက်လာတော့
ရင်မှာဖြေခက် လွမ်းနေလျှက်။

လရိပ်လေး(မောင်းမကန်)
(၁၈ .၁၂ ၂၀၁၃)

***ပြစ်ရယ်မမြင် ချစ်စေချင်***

မြန်မာ့ဘောလုံး တကယ်ရှုံးတော့
စိတ်နှုံးနွမ်းလျ နာကျင်ရ၍
ဖြေရလည်းခက် နေရခက်။

မြန်မာမြန်မာ အော်ဟစ်ကာဖြင့်
ညီညာဖြဖြ အားပေးကြလည်း
ရှုံးရလို့လေ မျက်ရည်ဝေ။

နည်းပြလေလား အသင်းသားလား
ငြင်းပွားလို့လေ ဝေဖန်နေလည်း
တို့မြေသိက္ခာ ကျဆင်းရှာပြီ
မြန်မာအားကစား ဒီလိုလား။

အရှုံးများသာ ရင်ဆိုင်လာရ
မြန်မာများတွေ စိတ်နွမ်းကြေ၍
မဖြေသာပဲ ရရာဆွဲကိုင်
တလွဲယိုင်တာ ပြစ်မရှာပဲ
စာနာကဲကာ နားလည်ပါ။

မျှော်လင့်ချက်များ ယိမ်းယိုင်သွား၍
အားပေးမှုများ နည်းလမ်းမှားတာ
အများမြင်ဝယ် မတင့်တယ်လည်း
ပြစ်ဘယ်မမြင် မြန်မာပင်မို့
အစဉ်ဖေးမ ခွင့်လွှတ်ကြ။

လရိပ်လေး (မောင်းမကန်)
(၁၇ .၁၂ .၂၀၁၃)

***မြင်လှည့်စမ်းပါ တို့မြန်မာ***

ဆီဂိမ်း မြန်မာ
သာပါစမေး။
ညီညာစွာ ပေါင်းစည်းတာမို့
ကမ္ဘာမှာ တုဖက်ကင်းကာ
ဝင်းပလှသေး။

အားကစားပြိုင်
နိုင်ပါစမေး။
ရွှေတံဆိပ် ပိုင်ဆိုင်လို့
နိုင်ငံ့ဂုဏ်သွေး။

ရှုလှည့်ပါနော်
ခေါ်ချင်လှသေး။
ဖော်ရွှေတဲ့ ပြည်မြန်မာမှာ
စံတင်စရာ လှပဂေးမို့
ပြေးမြင်လှည့်လေး။

လရိပ်လေး(မောင်းမကန်)
(၁၅ .၁၂ ၂၀၁၃)

***ဆောင်းလ***

ဆောင်းဦးစခါ
ဖြူစင်စွာ သဇင်သင်း။

နှင်းစက်ရယ်ဖြာ
လေပြေပါ သွဲ့သွဲ့ညှင်းတော့
မွှေးလိုက်လေခြင်း။

လရိပ်လေး (မောင်းမကန်)
(၁၂ .၁၂ .၂၀၁၃)

***လွမ်းရိပ်***

ဆောင်းဝဿန်ခါ
ပင်လယ်ပြာ ကမ်းခြေစပ်မှာ
လမ်းလျှောက်မိရာ။

နှင်းစက်မှုံလွှာ
အေးစိမ့်ကာ ငွေ့ရည်လူး။

ကြင်ဖူးသူ ပျို့ငယ်ကျွမ်းကို
လွမ်းမိအထူး။

လရိပ်လေး(မောင်းမကန်)
(၉ .၁၂ .၂၀၁၃ )

***အဖြေမရှိတဲ့ ပုစ္ဆာ***

ပေါင်း နုတ် မြောက် စား မကျွမ်းကျင်တော့
ဘ၀ညီမျှခြင်းက
မသိကိန်းပဲ အစားထိုးနေရ။

မြင်ကွင်းက ကျယ်လိုက် ကျဉ်းလိုက်
မျက်လုံးကမွဲတာလား
ချိန်ဆမှုပဲ လွဲတာလား
ဦးနှောက်ထဲ မရေရာ။

ရှေဆက်သွားမလား နောက်လှည့်လေမလား
လမ်းခုလတ်မှာ အနာဂတ်ကေ၀၀ါး
ဘ၀ကောက်ကြောင်းတွေမှား
အသိတွေ အမှောင်ကျခဲ့ရ။

မသိကိန်းရဲ့ တန်ဖိုး
ဘ၀နဲ့ရင်းကာ တွက်ချက်တော့
တည်ကိန်း မဲ့နေသမျှ
ကစဥ့်ကလျားတွေ နဲ့က။

မြင်ရက်နဲ့ မျက်ကန်းဖြစ်
ကြားရက်နဲ့ နားမှာတစ်
ပြောချင်ရက် ဆွံ့အလို့
ဘယ်သူ့ကြောင့် ဘာကြောင့်။

ပုစ္ဆာဆိုတာ အဖြေရှိပေမဲ့
မိုးခါးရေ သောက်သူများ
သူတို့ရဲ့ အမှန်တရားက
အခုထိ အဖြေမရှိ။

လရိပ်လေး (မောင်းမကန်)
(7 .12 .2013)

****တို့တောရွာ****

ပျိုလေးတို့ရွာ
တောင်ခြေမှာ
သာယာလှပ ငြိမ်းချမ်းစွ။

ရွာအ၀င်လမ်း
အုန်းပင်တန်း
စိမ့်စမ်းရေကျ စိမ်းမြမြ။

ငှက်များတွန်ကြူး
စိတ်ကြည်နူး
ရွာဦးအလှ တင့်တယ်စွ။

တောင်ပေါ် ထိပ်ဖျား
စေတီများ
တည်ထားခဲ့ကြ သပ္ပါယ်လှ။

ရွာတောင်ဘက်ခြမ်း
ရေပူစမ်း
နတ်နန်းတမျှ ဆန်းကြယ်လှ။

ရွာနောက်ဘက်မှာ
ပင်လယ်ပြာ
တံငါလုပ်ကြ ၀မ်းရေးရ။

ရွာအလယ်နား
ဈေးတည်ထား
ခန့်ညားလှပ ဂုဏ်ရှိစွ။

ရွာသူတွေလည်း
စကားဝဲ
နားထဲကြားရ ချစ်မ၀။

မြို့နဲ့လည်းနီး
လမ်းခရီး
မညည်းညူရ ဆင်ပြေစွ။

နတ်ရွာလို့ပင်
တင်စားချင်
စာပင်ရှုံးရ တို့ရွာလှ။

ရွာအမည်မှန်
တင့်ပေဟန်
မောင်းမကန်လို့ မှည့်ထားပြန်။

အလည်လာပါ
ဖိတ်ခေါ်တာ
တို့ရွာဓလေ့ တို့ဓလေ့။

လရိပ်လေး (မောင်းမကန်)
(၆ .၁၂ .၂၀၁၃)

***အမေ့အားမာန်***

ဗန်းလေးငယ်ငယ်
ဈေးရောင်းဖို့ ခေါင်းထက်တွယ်
စောင်းလျှက်ရွက်သယ် ။

သမီးငယ် ကျောင်းတက်ဖို့
တွေးဖက်လို့ကွယ်။

မျက်နှာမယ် ပြုံးရိပ်ကြွယ်
ပန်းနှယ်လန်းဆန်း။

လမ်းတကာ လှည့်ကာသွားလို့
အားမာန်နဲ့လှမ်း။

လရိပ်လေး(မောင်းမကန်)
(၃ . ၁၂ .၂၀၁၃)

***သောက၏ဆန္ဒ***

တဏှာနွံနစ်
ချစ်ကျွန်ဖြစ်
စွဲရစ်အတ္တ ပူလောင်လှ။

ချစ်စိတ်မွှန်လျှင်
မှန်မမြင်
စွဲခင်မောဟ ဗျာများရ။

ချစ်အားကုန်လျှင်
မုန်းစိတ်ဝင်
ရွှေရင်ပူလှ လွမ်းဆိပ်ရှ။

ချစ်လည်းမခင်
လွမ်းစိတ်စင်
ကိုယ်ပင်ဖြစ်ရ ခုဘ၀။

လရိပ်လေး(မောင်းမကန်)
(၁ .၁၂ .၂၀၁၃)

***လွမ်းသက်တဲ့ဆောင်း***

မိုးရက်တွေကုန်….။

ဆောင်းမှာဆို နှင်းရည်ဆင်း
ပန်းမင်း ဇင်ထုံ။

လေညှင်းကသုန်
နှင်းမှုန်က ကျီစား။

စိတ်မရွှင် အခန်းဆက်မယ့်
လွမ်းရက်ရှည်လျား။

လရိပ်လေး (မောင်းမကန်)
(၂၉ .၁၁ .၂၀၁၃)

***မြင်ကွင်း***

မြန်မာပြည်မှာ
မာယာဆင် စစ်ခင်း။

သွေးသက်ခန္ဓာ ညှီဟောင်ထပ်တယ်
လုပ်ဇာတ် သတ်ကွင်း။

လရိပ်လေး (မောင်းမကန်)
(၂၂ .၁၁ .၂၀၁၃)

**စာသင်ခန်း**

စာပေပညာ လေ့လာရင်းနဲ့
အချင်းချင်းတွေ ရိုင်းပင်းကွယ်။

ဆရာများကို ရိုသေကြလို့
သင်ပြတာတွေ မှတ်သားမယ်။

မေတ္တာဝေကာ ကြင်နာထားလျက်
သွေးချင်းများနှယ် ချစ်ကြကွယ်။

ပညာနို့ရည် တူတူသောက်လို့
ပန်းတိုင်ရောက်အောင် ကြိုးစားမယ်။

ကြိုးစားကွယ်……ကြိုးစားမယ်။


လရိပ်လေး (မောင်းမကန်)
(၁၈ . ၁၁ .၂၀၁၃)

ဓာတ်ပုံကို အင်တာနက်မှရှာ၍ တင်ထားခြင်းဖြစ်ပါသည်။

***နွားကျောင်းသား***

ရွာရှေ့ဖျားက ညောင်ညိုရိပ်
နွားကျောင်းသားလေး မောဖြေသိပ်။

စားကျက်ရိပ်မှာ နွားတို့ပျော်
နွားကျောင်းသားလေး တေးဆိုအော်။

ပြုံးပျော်ရင်းသာ ပုလွေမှုတ်
နေမင်းကြီးကို ဖက်မလုပ်။

ရိုးရိုးမှုတ်တဲ့ ပုလွေသံ
တောတန်းလေးထိ ပျံ့လွင့်ညံ။

စီစီညံတဲ့ ငှက်သံများ
ပုလွေသံအောက် ပျောက်လို့သွား။

နေဝင်သွား၍ မိုးချုပ်လာ
နွားတို့ရှိရာ ပြေးရရှာ။

တစ်ကောင်မကျန် ပြေးကာစု
နွားကျောင်းသားလေး သူ့အမှု။

လရိပ်လေး (မောင်းမကန်)
(၁၅ .၁၁ .၂၀၁၃)

***လွမ်းစေတမာန်***

ရွှေကျေးငယ်ရေ ၊ တနယ်မြေမှ
သည်းကြွေချစ်ဖူး ၊ မေ့သဲဦးကို
စူးစူးနစ်နစ် ၊ ချစ်နေရစ်ကြောင်း
ဖော်လှစ်ပြောရန် ၊ လေဆန်လှန်၍
မှန်မှန်ပျံကာ သွားပါလေ ။

ရွှေကျေးငယ်ရေ ၊ တနယ်မြေစီ
ဝေးနေရချိန် ၊ ချစ်မမှိန်ပဲ
ချစ်ရှိန်တိုးကာ ၊ သွေးသစ္စာဖြင့်
မကွာချစ်ဆဲ ၊ လွမ်းနေမြဲဟု
ချစ်သဲမောင့်ထံ ပြောပါလေ။

ရွှေကျေးငယ်ရေ ၊ တနယ်မြေခြား
ရုန်းနေနေ့ည ၊ မောင့်ဘဝ၌
မကျစိတ်ဇွဲ ၊ အားမာန်မြဲလျက်
လူလဲကျန်းမာ ၊ စိတ်ချမ်းသာရေး
မေတ္တာပေးကြောင်း ပြောပါလေ ။

ရွှေကျေးငယ်ရေ ၊ ဝေးတမြေ၌
ဆောင်းလေသော့ရမ်း ၊ နှင်းမှုန်ဖြန်းစို
အချမ်းပိုလိမ့် ၊ စိုးထိတ်စိတ်ကို
ဖြေသိမ့်နိုင်ရန် ၊ မေ့ထံပြန်ရေး
အမြန်ပျံသန်း ပြောပါလေ။

ရွှေကျေးငယ်ရေ ၊ မေ့ရဲ့စေရာ
ခွန်းခြွေလွှာအား ၊ သိစေငြား၍
ပြန်ကြားစာလွှာ ၊ မောင့်လက်ရာကို
ယူကာကြည်မွေ့ ၊ နှလုံးတွေ့လျှက်
တစ်နေ့ မဆိုင်း ၊ လေစုန်လှိုင်းဖြင့်
တို့တိုင်း တို့ပြည် ပြန်ခဲ့လေ ။...

လရိပ်လေး (မောင်းမကန်)
(13 .11 .2013)

**မိတ်ဆွေစစ်**

စာအုပ်စာပေ ဖတ်ကြလေ
သုတရသ စုံလှပေ။

စာပေပညာ စဉ်လေးစား
စုတုပြုကာ မှတ်သားထား။

စာဖတ်များလျှင် ဥာဏ်လည်းရွှင်
တိုးတက်စေတဲ့ ကြောင်းရင်းပင်။

စာကောင်းတွေ့လျှင် မျှဝေသွား
ဖတ်ရှုသူတွက် အကျိုးများ။


လရိပ်လေး (မောင်းမကန်)
(၁၁ . ၁၁ .၂၀၁၃)

*****အုံ့ပုန်းချစ်*****

ခန့်ညားထယ်ဝါ ၊ မယ့်ရင်သာသည့်
ညမှာခြယ်မှုန်း ၊ လနှယ်ပြုံးကာ
နှလုံးကြည်လင် ၊ ပြစ်ကင်းစင်၍
ချစ်ချင်းဆောင်ငင် ၊ မောင့်သွင်ပြင်ကို
ရွှေရင်စွဲငြိ တွယ်မိတယ်။


ရင်ဝယ်လှုပ်ရှား ၊ နှလုံးသားက
စေစားမိန့်မြွက် ၊ ရွှန်းလဲ့လဲ့နှင့်
ကြင်ဖက်တူစုံ ၊ ချစ်ခွင့်ဆုံဖို့
ခိုလှုံသိမ့်သိမ့် ၊ အချစ်စိတ်ဖြင့်
တိတ်တိတ်ကလေး မျှော်မိတယ်။


နူးညံ့ဖြူစင် ၊ မောင့်ရင်ခွင်ကြား
ခိုဝင်နားကာ ၊ နွေးထွေးစွာဖြင့်
နှစ်လွှာအသဲ ၊ ယှဉ်လျှက်တွဲကာ
မခွဲအတူ ၊ ချစ်ကြည်ဖြူလျှက်
မငြုစူပဲ နေချင်တယ်။


စိတ်ဝယ်ရည်စူး ၊ အချစ်ဦးနှယ်
ပွင့်ဖူးချစ်ငွေ့ ၊ ရင်ဝယ်မွေ့လျှက်
ထွေးပွေ့ကြည်နူး ၊ အချစ်ဖူးတွေ
အဦးအဖျား ၊ မောင့်သဲကြားမှာ
ငွားငွားစွင့်စွင့် ပွင့်ချင်တယ်။


ရင်ဝယ်ဦးစွာ ၊ ချစ်မိပါလည်း
မောင့်မှာချစ်ဦး ၊ ရှိခဲ့ဖူးတော့
အရူးပုံနှယ် ၊ သောကကြွယ်လို့
ရင်ဝယ်ချပျိုး ၊ ချစ်စကြိုးကို
တိုးတိတ်ပုန်းပုန်း ၊ ဖြေလျှော့ရုန်းကာ
အုံ့ပုန်းလေးပဲ ချစ်တော့မယ်။...

လရိပ်လေး (မောင်းမကန်)
(၇ .၁၁ .၂၀၁၃ )

****ချစ်မီး****

ရွှေရင်ဝယ် တွယ်ငြိလို့
နွယ်မိသည့် ချစ်ကြိုးငယ်
ပူလွန်းလှတယ်။

မီးလိုိနှယ်
ရင်ဝယ်ကျွမ်းလဲ (လည်း)။

နွမ်းပါစေ အံကြိတ်ခဲ
ချစ်စိတ်မွှန်ဆဲ။

လရိပ်လေး (မောင်းမကန်)
(၄ . ၁၁ .၂၀၁၃)

**သွေးချင်း**

အမျိုးဘာသာ စောင့်ထိန်းကာ
သာသနာတွက် ဆောင်ရွက်ပါ။

မြတ်စွာဗုဒ္ဓ တရားများ
ရင်ဝယ်ထားလို့ မေတ္တာပွား။

တိုင်းကားပြည်ရွာ သာစေချင်
ညီညွတ်စွာပင် အားမာန်ပြင်။

သွေးချင်းများရဲ့ အင်အားများ
မြန်ပြည်အတွက် လာဘ်တစ်ပါး။

လရိပ်လေး (မောင်းမကန်)
(၂ .၁၁ .၂၀၁၃)
ဓာတ်ပုံကို အင်တာနက်မှယူထားပါသည်။

*****ကျွမ်းမြေ့အလွမ်း*****

ချစ်ကြိုးသွယ် ငင်လာ
နွဲ့နှောင်းမလီ မေတ္တာနှင့်
သည်းဆိုင်မှာ လှုပ်ကာယိမ်းတယ်
မေ့ချစ်သည်းရယ်။

မြတ်မျိုးနွယ် ဘုန်းရောင်တင့်ပါလို့
ရွှေရုပ်လွှာ မေ့သခင်
နှောင်ငင်ရစ် အဆတိုး
တွယ်တာချင် သူသိနိုးမို့
ရှက်သွေးဖြာကြွယ်။

ကြိတ်ပိုးသွယ် တိတ်တခိုးရယ်မို့
မခို့တရို့ ပူပင်
မူပိုကာ ရင်ဝယ်သိမ်းကာဖြင့်
တွေးခက်လေခြင်း။

ရစ်တိုးတွယ် ချစ်နွံနစ်ကျွံရ
နွမ်းလျရင် ဖြေမရွှင်
ကျွမ်းရင်နင့် လွမ်းရင်ဆင့်ပါလို့
မျက်ဝန်းမှာ ငွေ့ရည်ဖွဲ့သီလျှက်
လွမ်းဆိပ်သက်နှင်း။

အတွေ့ခက်လေတော့
နီးရက်တွေ ကြုံဖို့ရေး
အခါခါတွေး ရင်မှာနာ
မခံသာ ဖြေရာမဲ့
လွမ်းလျှက်သာပင်။

မိုးစက်ပမာ မျက်ရည်ဝေ့သီလို့
အသည်း လှိုက်စားနာကျင်
ဖြေမရွှင် နေထိပန်းလိုပါ့
နွမ်းလျမရွှင်။

ချစ်ပန်းကိုဆင် ချစ်ရင်ခွင်မှာ
ခိုဝင်ကာ နေချင်လဲ (လည်း)
ချစ်ကံကမွဲ။

သူမကြင် တမင်စိမ်းလို့ကွယ်
မမြင်ချင် ဟန်ဆောင်လွှဲတယ်
လွမ်းရိပ်ရယ်ကဲ။

မုန်းသခင် တမင်လွှဲလဲ
ပျိုပျိုခင် ကြင်နာအသဲနဲ့
ကမ်းလင့်မျှော်ဆဲ။

လရိပ်လေး (မောင်းမကန်)
(၃၁ .၁၀ . ၂၀၁၃)

***စတုတ္ထမြင့်မိုရ် ......သို့***

ပန်းပျိုးတဲ့လက် ၊ စုတ်ပေမဲ့လည်း
မငဲ့ဘ၀ ၊ ရသမျှဖြင့်
ကြောင့်ကြကင်းတိပ် ၊ မေတ္တာရိပ်မှာ
ထွေးသိပ်လို့သာ ၊ တတ်ပညာကို
သင်ကာစွမ်းဆောင် ဖေ့ဂုဏ်ရောင်။

ဘ၀ခရီး ၊ ကြိမ်ပုံမီးနှယ်
ဖိစီးပါလည်း ၊ ရင်ဆိုင်ရဲကာ
စွဲမြဲဇွဲဖက် ၊ အံတုဆက်ပြိုင်
သည်းသက်ပိုင်စေ ၊ ဘ၀နွေထဲ
မသွေကြိုးစား ဖေ့စိတ်ထား။

လေးစားဖွယ်ရာ ၊ ဂရုဏာနှင့်
မြင့်ရာအရောက် ၊ လမ်းစဖောက်၍
တင်မြှောက်ညွှန်ပြ ၊ ဘ၀လှအောင်
လမ်းပြကြယ်သွင် ၊ သည်းသက်ယှဉ်လျှက်
ဆင်ယင်ဖွဲ့ထုံး ဖေ့ဖေ့ပြုံး။

ဘာသာတရား ၊ အလေးထားကာ
ပွားများမေတ္တာ ၊ စေတနာနှင့်
အရာရာကို ၊ အသိပိုအောင်
ပြောဆိုဆုံးမ ၊ ကြင်နာမျှ၍
ဖေးမလေတာ ဖေဖေပါ။

အဖေ့မေတ္တာ ၊ နှိုင်းတုရာမဲ့
ကြင်နာခဲ့၍ ၊ မမေ့စိတ်ဝယ်
အရိပ်နှယ်ဖြင့် ၊ တစ်ရစ်ရစ်တိုး
ဆက်ချစ်မဆုံး ၊ ရစ်ချည်ထုံး၍
ရွှင်ပြုံးကာပင် တူနေချင်။

ကံကြမ္မာညှိုး ၊ အတိတ်ဆိုးက
ရိပ်မိုးကာသာ ၊ နှိပ်စက်တာမို့
ကြွေရှာဝိညဉ် ၊ ဝေးလွင့်စင်သည်
မခင်ဘ၀ ၊ ဖယ်ခွာရတော့
တမ်းတမျက်ရည် ဝေ့လေပြီ။

ရင်နာကြေကွဲ ၊ လွမ်းနေဆဲမို့
ရင်ထဲဆို့ကာ ၊ ပို့မေတ္တာဖြင့်
ရောက်ရာဘုံဘ၀ ၊ ထိုဌာနမှ
အမျှရစေ ၊ တောင်းဆုခြွေသည်
အဖေသုဂတိ လားပါစေ။.

လရိပ်လေး (မောင်းမကန်)
(၂၉ . ၁၀ .၂၀၁၃)

တုနှိုင်းမဲ့ မေမေ

မြန်မာနိုင်ငံ စာရေးဆရာအသင်း
စာရေးနည်းလမ်းညွှန် သင်တန်း
(၄/၂၀၁၃) ကဗျာစွမ်းရည် စာအုပ်မှ

ရိုးသားစေချင် လောကတခွင်

ရတနာသုံးပါး ၊ အားထားစဉ်သာ
ဘာဝနာတရား ၊ ပွားများနေကာ
မေတ္တာရေချမ်း၊ ဖြန်းပက်လေရာ
စိတ်အေးချမ်း ရွှင်လန်းကြရမှာ။

ဆရာမိဘ ၊ ချစ်ကြစဉ်သာ
စိတ်မှာရိုကျိုး ၊ ရှိခိုးနေပါ
ကျေးဇူးတရား ၊ မှတ်သားရင်မှာ
မေတ္တာထား လေးစားတုံ့ပြန်ပါ။

မိတ်ဆွေချင်းချင်း ၊ ရိုင်းပင်းကူပါ
စာနာစိတ်ထား ၊ မုန်းများဖယ်ကာ
ကြင်နာအပြုံး ၊ မဆုံးစဉ်သာ
ရှေ့ကိုမြဲ လက်တွဲပေါင်းစည်းပါ။

မောင်နှမချင်း ၊ ချစ်ခြင်းခိုင်ပါ
မိဘစကား ၊ မှတ်သားစဉ်သာ
ကြုံလာဒုက္ခ ၊ တူမျှဝေကာ
သစ္စာထား စိတ်ထားဖြူကြပါ။

လူ့ဘ၀က ၊ ခဏရယ်ပါ
တွေ့ကြဆုံခိုက် ၊ စိတ်မိုက်ဖယ်ကာ
စရိုက်ဖြူဖို့ ၊ အားထုတ်ကာသာ
လောကကြား ကြိုးစားနေထိုင်ပါ။


လရိပ်လေး(မောင်းမကန်)
(26 . 10 .2013 )

**မချိအလွမ်း***

မြင်ချင်ပါလျက်
မြင်ဖို့ခက်
ဆိပ်သက်နေ့စွဲ မီးနှယ်ကဲ။

ကြားချင်ပါလျက်
ကြားရခက်
ခွန်းဆက်ခြွေမှာ စောင့်လို့သာ။

ဆုံချင်ပါလျက်
ဆုံရခက်
မှေးစက်မျက်လွှာ သူ့ရိပ်သာ။

မေ့ချင်ပါလျက်
မေ့ရခက်
ရင်ထက်ဒဏ်ရာ နှိပ်စက်လာ။

မလွမ်းချင်လည်း
လွမ်းနေဆဲ
စိတ်ထဲသိမ့်သိမ့် မျက်ရည်ဝဲ။

မဝေးချင်လည်း
ဝေးနေမြဲ
သည်းထဲမှာပဲ ဒဏ်ရာကဲ။.....

 

(လရိပ်လေး)

March 5  2013

**နှင်းဆီတစ်ပွင့်၏နိယာမ**

ဆူးများအလယ် နှင်းဆီငယ်
အလှထူး လို့ရယ်။

ခြွေလိုသူကို ကာကွယ်ထား
မာနလည်း ကြွယ်သား။

ပန်းများစွာရဲ့ လှဘုရင်
ရင့်ကျက် သူ့အသွင်။

စာပန်းချီ စီကာမဆုံး
မြင်သာ သူ့အပြုံး။

ဖူးပွင့်နွမ်းကြွေ ပန်းမျိုးပေ
မြေခရ မြဲလေ။

မခြွေယူလဲ ကြွေရမြဲ
သူ၏ လမ်းစဉ်ပဲ။

လရိပ်လေး(မောင်းမကန်)
(25 . 10 .2013)

***လိုင်းကား***

ရန်ကုန်ဆိုတဲ့ မြို့ပြကြီး
လမ်းများပိတ်လို့ လူတိုင်းငြီး။
လိုင်းကားစီးရင် ငွေနှစ်ရာ
စပယ်ယာက ငေါက်သေးတာ။

အချောင်ကြီးတဲ့ အော်လို့ပင်
ပြည့်သိပ်ကြပ်အောင် ဇွတ်တင်းတင်။
ထိုင်ရာရဖို့ ဝေလာဝေး
မတ်တတ်ရပ်လို့ လိုက်ရသေး။

မှတ်တိုင်နီးရင် ကြိုလို့ပြင်
ကားပေါက်ဝကို ထွက်ထားရှင်။
သို့မှသာ စပယ်ယာလေး
မအော်ပဲနဲ့ ချထားပေး။

စိတ်ညစ်လာလို့ တွေးမိတာ
လေယာဉ်ကြီးပဲ ၀ယ်တော့မှာ။
စီးချင်သူများ ကြိုပြောထား
ငွေမလိုပါ အလကား။

လရိပ်လေး (မောင်းမကန်)
(24. 10. 2013 )

**မြစ်ဧရာ**

ရေစီးသာတဲ့ မြစ်ဧရာ
သက်သွေး ပြည်မြန်မာ။
တံငါလှေများ စုန်ဆန်သွား
ဝမ်းရေးရှာဖွေစား။
လယ်ယာများရဲ့ ကျေးဇူးရှင်
တို့များခွန်အားပင်။
သက်သခင်မို့ စောင့်ရှောက်ထား
သမိုင်းဝင်စေသား…။

လရိပ်လေး (မောင်းမကန်)
(24. 10 .2013)

*** အမြစ် ***

ရနံ့သစ်များဝေဖို့
မျိုးစေ့ချတုန်း ဗုံးအပင်တွေပဲ
ပေါက်ပေါက်လာတယ်။

ရမ္မက်တဏှာနဲ့ ကိုင်းကူး
ဖားတစ်ပိုင်း ငါးတစ်ပိုင်း အဖူးများ
ရှင်သန်လတ်ဆတ်လို့။

ကြည့်မှန်မလိုတော့တဲ့ ခေတ်
နေ၀င်ချိန်ကိုပဲ မော်ဖူးနေရ
ဘ၀က ကြမ္မာဆိုရင် ခံသာပါရဲ့
အခုက မက်လုံးပြပြီး
နောက်ကျောကို လှံနဲ့ထိုးစိုက်။

လက်ချောင်းများ မညီမျှခြင်းနိယာမက
အနာဂတ်ကို ပုံသွင်းနိုင်တယ်။
စိတ်ထားတွေ နင်းပြားဖြစ်နေရင်
ဘ၀တွေ အိုးစားကွဲလိမ့်မယ်။

အပင်တိုင်းမှာ အမြစ်ရှိရင်
ပြဿနာတိုင်းရဲ့ အရင်းမြစ်ကို
ဆွဲနုတ်တတ်ရမယ်။
သွေးလိုရင် သွေးဖြည့်
ဓားဆိုရင် ထက်အောင်သွေး
ငြိမ်းချမ်းရေးကို လှလှလေး
ပေါင်းသင်ကြ။

ကိုယ့်သမိုင်းသန့်ဖို့
မေတ္တာပန်းခင်းထဲ
ရဲရင့်ခြင်းပဲ ချပျိုးခဲ့ပါ။

လရိပ်လေး (မောင်းမကန်)
(23 .10 .13 )

**လွမ်းအလင်္ကာ**

ချစ်ကံရယ်ခေ ကြမ္မာရေးကြောင့်
ချစ်သူလေးနဲ့ ဝေးလို့ကွယ်။
အလွမ်းရယ်ပို မျက်ရည်ကျလို့
ငိုခဲ့ရတာ ချိန်တိုင်းမယ်။
အချစ်ဆိုတာ မီးလိုကဲတော့
အသဲကျွမ်းကာ နွမ်းလို့ကွယ်။
ချစ်အားရယ်ပို ကံမခေဖို့
လွမ်းစေတီမှာ ဆုတောင်းမယ်။
လွမ်းတယ်………လွမ်းတယ်။

လရိပ်လေး (မောင်းမကန်)
(23 .10 .2013)

လွမ်းစိမ့်

တစ်ရံခါဆီ မှန်းကာရီလို့
ဝေ့သီမျက်ရည် လွမ်းတေးသီကာ
စာစီကဗျာ လွမ်းငွေ့ဖြာလျှက်
ရင်နာအသဲ ဖြေသာပဲလေ
စွဲမြဲလို့သာ လွမ်းစိတ်ဖြာ။

 လရိပ်လေး (မောင်းမကန်)
(22 . 10 .03)

****ပစ္စက္ခပဉ္စလက်ရိုးရာ ၏ ငိုညဉ်းသံ***

ရာဇ၀င်တို့ရဲ့ သတို့သမီး
နန်းဆက်တို့ရဲ့ မှတ်တိုင်
မေတ္တာပန်း ရနံ့ဖြာစေသူ
တင်စားမှုပေါင်းစုံနဲ့
ရဲရင့်ရှင်သန်ခဲ့တဲ့ သူ။

သမိုင်းလမ်းက စွန့်စားခန်းမှာ
ပခုံးကြမ်းနဲ့ လုံးပမ်းပေးခဲ့တဲ့
အာဇာနည် မ။

ကိုတံငါတွေရဲ့ အလှဘုရင်မ
လယ်ယာတွေရဲ့ မဏ္ဍိုင်
ရိုးသားခြင်းကို လမ်းဖွင့်ပေးသူ။

နင်ဟာ
တို့ပြည်သူတွေဘ၀ ဖူလုံဖို့
လမ်းခရီး ချောမွေ့ဖို့
ယဉ်ကျေးမှု အမွေတွေ ကျန်ရစ်ဖို့
မမောတမ်း ကုန်းရုန်းနေသူပါ။

အခုတော့……….
လောင်ကျွမ်းခံဘ၀နဲ့
အိမ်မက်ဆိုးတွေ စိုးမိုးနေပြီလား….
ကကြိုးပျောက်လုလု မင်းသမီးလို
ရင်တမမဖြစ်နေပြီလား…..
ကိုယ်တိုင်ကျရှုံးခန်းကို
စင်တင်ပေးနေရပြီလား…..
မတွေးရက်တော့ဘူး ကွယ်။

နင်ဟာ…….
မြန်မာပြည်ရဲ့ အသက်သွေး
နှလုံးသား လှစွာနဲ့
ရာဇ၀င်တွေမှာ မြင့်မြတ်ခြင်းတွေ ချပျိုးခဲ့ပါရဲ့။

ဒါပေမဲ့…………….
လူညစ်တွေ စနက်အောက်
နှလုံးသွေး အဖောက်ခံ
လောကဓံလှည့်ကွက်ကြား
နင် ငိုကြွေးနေရပြီလေ။

နင့်ငိုညဉ်းသံတွေကြား
သမိုင်းလှဖို့ ၀ိုင်းသမရင်း
နင့်အိမ်မက်တွေ တခမ်းတနားဖြစ်ဖို့
ငါတို့တွေ သွေးရဲရဲမွေးပြီး
ကာကွယ်ကြမယ် မိဧရာ။

အနုပညာတွေနဲ့ ချခင်း
မြစ်နဒီရဲ့ချစ်ခြင်းတွေ
အမြစ်တွယ် ရှင်သန်စေဖို့
သွေးသစ္စာတိုင်တည်ရင်း
ပွင့်အံထွက်ကျလာမဲ့
နင့်ရဲ့ရီသံတွေ
ကြားရစေမယ် မိဧရာ။

လရိပ်လေး (မောင်းမကန်)
(14 . 9 . 03 )

***သွေးချင်းပမာ ကူညီပါ***

တမိတည်းဖွား သွေးချင်းများတွေ
ကွာခြားဝေးမြေ စိမ်းလို့နေလည်း
ရန်တွေကြုံလာ များသူငါက
ပေးလာဒုက္ခ သိရှိရချိန်
သွေးကြွနိုးကြား စိုးစိတ်ပွားလျှက်
ဗျာများသောက ဝေဖြာကျကာ
မရမနေ ကူရှာပေ။

မြန်မာများလည်း တိုင်းပြည်ထဲတွင်
ဖြစ်ဆဲဒုက္ခ အ၀၀ကို
မျှတခွဲဝေ သွေးချင်းတွေလို
မသွေစုစည်း ရေးတကြီးဖြင့်
သွေးနီးလို့သာ ပြည်ရေးရာကို
စာနာမေတ္တာ ဖေးမကာဖြင့်
မှန်စွာဟစ်ကြွေး ကူညီပေး။

ထိုမှသာလေ ပြည်စည်ဝေ၍
တိုင်းပြည်လူထု ပျော်တွေစုလို့
မမှုဒုက္ခ ချမ်းသာရကာ
မြန်းရစံအိမ် ပျော်တွေဝေ။

လရိပ်လေး (မောင်းမကန်)
(15 . 9 .03)

*****လွမ်းစိတ်ဖြာဝေ တို့ကျောင်းမြေ*****

တို့များငယ်ငယ် ဆယ်ကျော်ရွယ်မှာ

ဖြူစင်စွာပင် ကျောင်းစာသင်ဖို့

လက်တွဲလို့သွား ပေါင်းသင်းများနဲ့

ပျော်ပျော်ပါးပါး တူတူစားကာ

ကျောင်းပြန်တာလည်း တူတူပဲမို့

မှန်းဆလို့နေ တို့ကျောင်းမြေကို

အလွမ်းပိုကာ မျက်ရည်ဖြာ။

လရိပ်လေး (မောင်းမကန်)
(13 .9 . 03)

***အရိုင်းပန်း***

 

အရိုင်းဆန်လှ တောပန်းဘ၀
ချစ်ရမေတ္တာ ရှိခဲ့ပါလည်း
ဂုဏ်မာနကြား မ၀င့်ကြွားနိုင်
ချစ်အားရယ်ပြိုင် သစ္စာလှိုင်လည်း
မပိုင်ချစ်သဲ ကျန်ရစ်မြဲ။

အကျည်းတန်လှ မေ့ဘ၀၀ယ်
ပွင့်ရချစ်ပန်း ကြွေလွင့်နွမ်း၍
ချစ်လမ်းနဲ့ဝေး အမုန်းထွေးကာ
လွမ်းဆွေးဖိစီး အပူမီးသာ
ခရီးတစ်လျှောက် မီးနှယ်တောက်။

အရိုင်းဆန်ဆန် အကျည်းတန်လျှက်
ချစ်ဟန်ရယ်စွက် မေတ္တာဖက်လို့
ချစ်သက်တူယှဉ် ချစ်ရင်ခွင်မှာ
ခိုဝင်ကာပင် မှေးစက်ချင်လည်း
ဂုဏ်ရှင်လူသား မုန်းစကားကြောင့်
ချစ်အားရယ်ငယ် ညှိုးစိတ်ကြွယ်။

လရိပ်လေး (မောင်းမကန်)
(၁၁ . ၉ .၀၃ )

*****လွမ်းလို့မဆုံး အမေ့ပြုံး*****

မြို့ကြီးပြကြီး ဘယ်မနီးပေ
ခရီးရယ်ကြမ်း ဘ၀လမ်းကို
လျှောက်လှမ်းလို့လေ သောကဝေလည်း
အမေစကား ရင်ဝယ်ထားလျှက်
စိတ်အားမငယ် လျှောက်ခဲ့တယ်။

လောကရိုက်ချက် ဝဲဂယက်လယ်
စိတ်လက်မရွှင် မုန်တိုင်းဆင်သို့
အစဉ်ကျရှုံး စိတ်တွေနှုံးလည်း
မေ့ပြုံးတစ်ခါ တွေးမိကာမျှ
ရင်မှာအင်အား ပြည့်ဝသွား။

နီးတဲ့ချိန်ခါ မသိသာလည်း
ဝေးရာရောက်မှ ပိုတမ်းတပြီ
လွမ်းရရက်တွေ ကြာရှည်နေလည်း
မပြေလည်သေး ဘဝရေးကြောင့်
အဝေးကနေ လွမ်းစိတ်ဝေကာ
အမေပျော်စေ မေတ္တာဝေလျှက်
စာတွေသီကုံး လွမ်းမဆုံး။

လရိပ်လေး (မောင်းမကန်)
(8 .9 . 03 )

***လယ်ယာတို့မွေ ထိန်းသိမ်းလေ***

တို့များရွာမှာ ငယ်စဉ်ခါက
လယ်ယာများကြား ဆန်စပါးတွက်
မနားမနေ ရုန်းကန်လေကာ
ရွှံ့တွေထဲဆင်း ပျိုးနုတ်ရင်းသာ
လယ်ကွင်းတွေထဲ ပျော်တွေကဲ။

ဘိုးဘွားပိုင်မြေ လယ်ယာတွေမှာ
တူနေသွေးချင်း စုပေါင်းရင်းလေ
မညဉ်းမညူ တို့ပြည်လူထု
မပူမပင် စားစေချင်လို့
မျှော်မြင်ကြီးစွာ စိုက်ပျိုးလာ။

ခုနေချိန်ခါ တို့လယ်ယာမှာ
ရိုးရာမပျက် စိုက်ချင်လျက်လည်း
တိုးတက်စေရန် ပြောင်းလဲဟန်နှင့်
ကြံဖန်လှည့်စား လူညစ်များကြောင့်
မြေသားကွဲအက် ခြောက်သွေ့လျှက်။

ခေတ်ကိုဗန်းပြ ကိုယ်ကျိုးရဖို့
များလှလယ်မြေ ပျက်စီးစေကာ
ငွေတွေမက်မော အာဏာနှောလျှက်
တွေးတောဆင်ခြင် မလုပ်လျှင်ကား
သခင်မဲ့ရာ နွားပမာသာ
အစာရှားမှာ အသေချာ။

မြန်မာတွေတွက် ထမင်းသက်မို့
ရှေ့ဆက်လယ်ယာ ပျက်သုဉ်းပါမူ
အစာလည်းမဲ့ သိုက်လည်းပျက်သို့
အခက်တွေ့မှာ တကယ်သာမို့
လယ်ယာမြေတွေ တည်တံ့စေဖို့
တို့တွေအားလုံး ထိန်းသိမ်းစို့။

လရိပ်လေး (မောင်းမကန်)
(5 .9 03)

လေးစားကြည်ညို ရိုသေစို့

အိုဘယ့်မြန်မာ တစ်ခေတ်ခါက
ပြည်ရွာကောင်းကျိုး တို့လူမျိုးတွက်
သံဃာတော်များ မေတ္တာထားလို့
စွန့်စားသက်ပေး ကူညီတွေးလျှက်
အမျိုးသားရေး လုပ်ဆောင်ပေးတာ
ရှေးကမှတ်သား လွန်ထင်ရှား။

အခုခါလည်း ပြည်ရွာထဲတွင်
မြဲမြံခိုင်ခန့် တည်တံ့သာသနာ
ဘာသာကောင်းကျိုး ရည်မျှော်ကိုးလို့
အမျိုးကိုစောင့် မျိုးမပျောက်ဖို့
စောင့်ရှောက်လေးထား ကြိုးစားနေတာ
မြင်သာတာမို့ မြန်မာများတို့
လေးစားကြည်ညို ရိုသေစို့။

တရားကိုခင် မေတ္တာယှဉ်၍
သက်ဝင်ကရုဏာ ကိုယ်ချင်းစာလျှင်
သံဃာတော်များ ဦးထိပ်ထားကာ
တရားပျက်သုဉ်း မျိုးမတုံးအောင်
စုရုံးလက်တွဲ မြင်မလွဲပဲ
ရဲရဲကူလို့ ဆောင်ရွက်စို့။

လရိပ်လေး (မောင်းမကန်)
(2. 9. 2013)

***မေတ္တာရေစင် ပေးစေချင်***

ပညာရောင်ဝါ ထွန်းလင်းပါလည်း
စာနာမထား လူမျိုးများတွက်
အားထားချင်ဖွယ် မကိုင်တွယ်က
နောင်ဝယ်သမိုင်း သင့်တွက်ရိုင်းကာ
တွေးတိုင်းရင်နာ ခံခက်မှာ။

အာဏာရှိန်ဝါ ရှိနေပါလည်း
ဘာသာလူမျိုး ပြည်ကောင်းကျိုးတွက်
အားကြိုးမာန်တက် မဆောင်ရွက်က
မျိုးဆက်လည်းတုံး လူဖြစ်ရှုံးကာ
နောက်ဆုံးရမှာ အမုန်းသာ။

ပစ္စည်းဥစ္စာ ပြည့်စုံပါလည်း
ပြည်ရွာထဲမှာ မပြည့်ရှာသည့်
နေရာတွေတွက် မဖြည့်စွက်ပဲ
ကိုယ်ကျိုးတွက်သာ လုပ်နေပါက
ဘယ်မှာ လူသားဆန်မည်နည်း။

သို့ကြောင့်သာပင် လူဖြစ်လျှင်ကား
မခင်အတ္တ မာန်ခွာချ၍
လောဘလည်းရှင်း ကူညီရင်းသာ
သွေးချင်းတွေနဲ့ ဘာသာတွက်ကို
နေ့ရက်တိုင်းမှာ လေးထားကာဖြင့်
မေတ္တာရေစင် ပေးစေချင်။

(လရိပ်လေး) (30 .8 .03)

***မေ့သည်းရှင် သို့***

 

အတိတ်ခြေရာ
စိုးမိုးလာ
ရင်နာကြေကွဲ လွမ်းနေဆဲ။
သူနဲ့ဆုံရာ
တွေးမိတာ
ကြင်နာတွေလည်း သစ်လွင်မြဲ။

သူ့ရဲ့ယုယ
သတိရ
ပျော်ကြချိန်ခါ တမ်းတလာ။
ကိုယ်သာချစ်ခဲ့
သူလိမ်ရက်
ဘယ့်တွက်ကြောင့်ရယ် မသိတယ်။

ရှောင်ဖယ်ကာထား
သူပြစ်သွား
လှည့်စားလျှက်သာ ချန်ခဲ့တာ။
သို့ပေမဲ့လည်း
မေ့ရင်ထဲ
စွဲစွဲမြဲမြဲ ချစ်နေဆဲ။

နေ့ရက်တိုင်းမှာ
သူ့ကိုသာ
လွမ်းကာနေမိ သူမသိ။
ချစ်၏မာယာ
ကျော့ကွင်းမှာ
ဆက်ကာနစ်မြော လွမ်းစိတ်နှော။

ကဗျာစာလေး
သူ့တွက်ရေး
လွမ်းတေးလေးဆင် ပေးပို့ချင်။
မေ့စာကိုမြင်
သနားခင်
ပြန်ကြင်စေချင် ချစ်သည်းရှင်။

(လရိပ်လေး) (28 .8 .03 )

***အဖြည့်ခံ ပန်း***

 

ချစ်ကံရယ်ခေ ကြမ္မာမွှေလို့
လေပွေသရမ်း ပက်ကာဖြန်းတော့
ချစ်လမ်းခရီး ဘယ်မနီးပဲ
ပူမီးရယ်သာ လောင်ကျွမ်းတာမို့
ရင်မှာနာကျင် စိတ်မရွှင်။

ချစ်မိုးတွေစွေ ချစ်သက်သေနဲ့
ချစ်ရေမောင်ရေ ခေါ်ချင်ပေလည်း
ကံခေခဲ့သူ နောက်ကျလူမို့
ရင်ပူတိုးတိတ် မျက်ရည်စိမ့်လျှက်
ဖြေသိမ့်ကာလွမ်း စိတ်ရယ်နွမ်း။

အားငယ်လို့ပင် စိတ်မရွှင်လည်း
သခင်ပျော်ဖို့ မျက်ရည်စို့ကာ
ရင်ဆို့ကြေကွဲ ဖြည့်ခံသဲနဲ့
ရိပ်ကဲဟန်ပြင် ပြုံးယောင်ဆင်၍
သခင်လိုအင် ပေးဆပ်ချင်။

 

(လရိပ်လေး) (24 .8 03)

 

ရင်ကိုထိရှစေခဲ့သော အနှိုင်းမဲ့ပီတိ

လောကရှိ            လူတိုင်းတွင် အပျော်ဆုံးအချိန် ပီတိအဖြစ်ရဆုံးချိန်တွေ ကြုံခဲ့ဖူး ရှိခဲ့ဖူးကြမှာပါ။ ဂုဏ်ပကာသန ကြောင့်ရတဲ့ ပျော်ရွှင်မှု၊ သာမန်ပျော်ရွှင်မှု၊ ပေးဆပ်ရတဲ့ ပျော်ရွှင်မှု ရသမျိုးစုံကို ဘဝအတွေ့အကြုံရ ခံစားဖူး ကြည်နူးဖူးကြမှာ မလွဲဧကန်ပါ။ ဒါပေမဲ့ တစ်ခါတစ်လေမှာတော့ ဘာမဟုတ်တဲ့ ကူညီမှုလေးတစ်ခုက အဖိုးမဖြတ်နိုင်တဲ့ ဘဝအသိရော အနှိုင်းမဲ့ပီတိတစ်ခုကိုရော ပြန်လည်ရရှိတတ်တယ်ဆိုတာကိုတော့ ကျွန်မကိုယ်တိုင် ကြုံခဲ့ရမှ  ပိုသိခဲ့ရတာမို့ ကျွန်မလိုပဲ ပျော်ရွှင်မှုအစစ်လေးကို ဝေမျှခံစားရင်း လူတိုင်းရင်ထဲမှာ စာနာသနားစိတ်လေးတွေ ထပ်တူပွားများနိုင်အောင်လို့ ကျွန်မကြုံတွေ့ခဲ့ရတဲ့ ခရီးတစ်ထောက်က အဖြစ်ပျက်လေးကို တင်ပြ လိုက်ရပါတယ်ရှင်။

စမ်းရေပမာ အဖေ့မေတ္တာ

လောကထဲကုိ လူသားတစ်ယောက်အဖြစ် စတင်အခြေချပြီဆိုတာနဲ့ လူသားတိုင်းမှာ အဖေရယ် အမေရယ်ဆိုတာ ရှိပြီးသားပါ၊ ဒါပေမဲ့ အတူတူနေရတာ မနေရတာကတော့ လူသားတွေရဲ့ အတိတ်ကြောင်းတွေနဲ့ ဆိုင်နေမယ်လို့ ကျွန်မထင်မိပါတယ်၊ ကျွန်မမှာတော့ အဖေဆိုတာကို ကျွန်မလေးနှစ်သမီးလေးအရွယ်ကတည်းက မမြင်ခဲ့ရတော့ပါဘူး၊ ဒါပေမဲ့ ကျွန်မအဖေ့ကို အရမ်းချစ်ခဲ့ပါတယ်၊ အခုချိန်ထိ ချစ်နေတုန်းပါ၊ နောင်လည်း ချစ်နေအုံးမှာပါ၊ ဘယ်တော့မှ အဖိုးမဖြတ်နိုင်သော အဖေ့မေတ္တာကို ကျွန်မ တမ်းတနေမိတုန်းပါ၊ ကျွန်မ အဖေအရွယ်တွေကို တွေ့မိရင် မျက်ရည်လည်နေမိတုန်းပါ၊ အဖေနဲ့အတူ နေခွင့်လေးကို ကျွန်မ လိုချင်နေမိတုန်းပါ။ 

အဖြည့်ခံနှလုံးသားတခုရဲ့တမ်းခြင်း

ဒဿရေ.......

မင်းလိုပဲငါလဲ မာယာမင်းသားကိုမှ

ဗလာကျင်းတဲ့ ရင်ခွင်နန်းတော်မှာ

ပွင့်ဦးအဖြစ်တယုတယ သရဖူဆောင်းပေးဖူးတယ်။

လက္ခဏလိုပေးဆပ်ရင်း မျက်လုံးတွေစုံမှိတ်

အချစ်ဆိပ်တွေမျိုချရင်း နှလုံးသားတစ်ခုလုံး

မီးလောင်တိုက်သွင်းခံရဖူးတယ်။

သူ့ဘ၀တွက် ငါ့ဘ၀ပေး

သူ့နှလုံးသားတွက်

အပျော်တွေဆက်နှင်းပေးချင်ရက်နဲ့

ရေခွက်ထဲက လရိပ်ကိုပဲ ကြည့်ခွင့်ရတဲ့ငါ

ကောင်းကင်ကအရိပ်စစ်ကို နှုတ်ဆက်လိုက်ရတယ်။

မျက်လုံးတွေ ကျောခိုင်းနေချိန်

မြေမြင်နဲ့ ကောင်းကင်ဟာ

အချစ်ရဲ့ကျေးကျွန်လေး

ရမ္မက်သွေးတွေနဲ့ ကမ္ဘာကြီးကပြုံးလို့လေ။

လျှပ်တစ်ပြက်လေးပါ

တစ်စစီပြန့်ကျဲ  မုန်းတွေကိုလက်တွဲလို့

လွမ်းအဝီစိငရဲကို ဝဋ်ကြွေးတွေတင်ဆက်ရင်း

ရင်ဘတ်ကြီးကို အရှင်လတ်လတ် ဆားသိပ်ခံလိုက်ရတယ်။

ပြီးဆုံးခဲ့ပြီထင်ခဲ့တာ

ကမ္ဘာမကြေအလွမ်းက

အနာဂတ်တစ်ခုလုံးကို အမှောင်ချလို့

နာရီတွေ လွမ်း လွမ်းနေမိသေးတာ

ပထဝီမြေကြီးရေ လက်တို့လို့ကူပြောပေးနော်။

လရိပ်လေး

ပြည်သူ့အသဲနှလုံး ရှစ်လေးလုံး(8888) **********************

ခေတ်စနစ်ဆိုး ရှေ့မတိုးအောင်
စားထိုိးသက်သွေး တိုင်းပြည်ရေးတွက်
ရှစ်လေးလုံးမှ မျိုးဆက်ချလို့
လမ်းပြလှုံ့ဆော် အင်အားဖော်လျှက်
ကြွေးကြော်ကာပေး ဒို့အရေးဟု
ဒေါင်းသွေးဒေါင်းမာန် စိတ်ထားမှန်ဖြင့်
တော်လှန်ခေတ်ဟောင်း စနစ်ပြောင်းအောင်
ခွပ်ဒေါင်းလံနဲ့ လွတ်ကြောင်းကြံ။

ရှစ်လေးလုံးတွင်း သွေးနဲ့ရင်းကာ
ဖြိုခွင်းပစ်ခတ် စစ်သေနတ်ကို
မလန့်မကြောက် ခေတ်ကောင်းရောက်ဖို့
ပြောင်မြောက်သတ္တိ ဇွဲရှိရှိနှင့်
တိုင်းသိပြည်ရွာ စည်းလုံးကာဖြင့်
အလွှာစုံကြား ပြည်သူများနဲ့
ကျောင်းသားပါဝင် ရဟန်းရှင်တို့
တွေးထင်မျှော်မှန်း ရောင်နီသန်းဖို့
တက်လှမ်းလို့ချီ ခေတ်သစ်ဆီ။

ရှစ်လေးလုံးမှာ မညာတာပဲ
အာဏာရှင်များ နှိပ်စက်ထားလည်း
သွေးသားကိုသာ ဆုံးရှုံးပါစေ
မြန်မာအရေး လျှော့မပေးပဲ
သွေးကြွေးသမိုင်း ဘယ်မရိုင်းအောင်
ပူလှိုင်းမီးကြား ခွပ်ဒေါင်းအားနှင့်
သွေးသားမငဲ့ နောက်မလှည့်ပဲ
ရင်ထဲရှိုက်သံ ပြည်လုံးလျှံအောင်
ကျင့်ကြံအားမွေး ခွပ်ဒေါင်းသွေး။

ရှစ်လေးလုံးရေး တကယ်တွေးက
တိုင်းရေးပြည်ရာ အဖြာဖြာကို
စာနာပေးကာ သာသနာနှင့်
ပညာရေးပါ တိုးတက်လာပြီး
အာဏာစနစ် မကျန်ရစ်ပဲ
သွေးသစ်မော်ကွန်း နောက်မယွန်းအောင်
တောက်ထွန်းနေလို လမ်းပြကြို။

စစ်ဖိနပ်အောက် ဒူးမထောက်ပဲ
လက်မြှောက်မပေး ကြောက်စိတ်ဝေးကာ
ရဲသွေးစိတ်ထား ဗမာ့သားကောင်း
မွေးဖွားထောင်သောင်း ချွေးသက်လောင်းကာ
ခေတ်ပြောင်းစေရေး မြန်မာ့သွေးနဲ့
ဟစ်ကြွေးသီကုံး ရှစ်လေးလုံး။

ရှစ်လေးလုံးက သန္ဓေစသည့်
ရဲလှစိတ်တွေ မရပ်နေပဲ
မနေမနား ရှေ့ဆက်သွားကာ
တရားတဖက် ဓါးတဖက်နဲ့
ရှေ့ဆက်မှန်းရည် ဒီမိုကရေစီ
ပန်းတိုင်ဆီသို့ ချီတက်စို့။


ရှစ်လေးလုံးရေး သွေးသက်ပေးကာ
ခေတ်ရေးကိုငဲ့ ပေးဆပ်ခဲ့တာ
နှစ်နဲ့တွက်ထား နှစ်ဆယ့်ငါးမြောက်
ရွှေ့လျားရောက်လည်း သမိုင်းစွဲအောင်
ရေးဆဲမှတ်စု ငွေရတုမို့
အားပြုကူလျှက် မြတ်တဲ့ရက်ကို
သွေးသက်နဲ့တူ နှလုံးမူကာ
ပြည်သူအများ စဉ်လေးစား။


အရွယ်လည်းရောက် ကြံလဲပေါက်လို့
ရှေ့လျှောက်ခရီး ဘယ်မညည်းပဲ
သွေးစည်းကြည်ဖြူ ပေါင်းစည်းကူလို့
စိတ်တူတူနဲ့ ဆောင်ရွက်စို့…။

နေမဝင် အလွမ်း ************

ချစ်ခဲ့ဖူးပါတယ် အလွမ်းရာဇဝင်မပီပြင်ချိန်ကပေါ့
ဝိုးတဝါးအိမ်မက်တွေကို ရသလှလှလေးတွေဆင်မြန်းရင်း
အချစ်လို့အမည်တွင်ခဲ့တာ အနှစ်မဲ့တဲ့ပူလောင်ခြင်းတွေ
နှလုံးသားမှာဆူးတစ်ချောင်းလို စူးနစ်ခဲ့တယ်……ချစ်သူ။

အလွမ်းကဗျာ အလွမ်းစာတွေဖတ်ခဲ့ရပေမဲ့
ရင့်သီးတဲ့စေစားမှုလို့မထင်မိဘူး….ချစ်သူ။
ကိုယ်တိုင်ပျိုးမှ ရင်မှာလွမ်းမိုးတွေစွေခဲ့တာ
နေမဝင်အင်ပါယာ လိုပါပဲလား
ဘယ်တော့မှအလွမ်းမဆုံးတော့ဘူး…..ချစ်သူရယ်။

ကမ္ဘာကြီးကလည်နေတယ်တဲ့လား
အလွမ်းကရော ဘာလို့တည်နေတာလဲ
ပျှမ်းမျှခြင်းဆိုတာ အချစ်တွက်မပါဘူးလားလေ
ရင်ခွင်သစ်တစ်ခုကို အစားထိုမယ်ကြံတိုင်း
နင်နဲ့ပတ်သက်တဲ့ အလွမ်းရာဇဝင်ကိုပဲ
အမှတ်ရနေမိတော့ လွမ်းကဗျာလေးသီကုံးလို့
နေမဝင်အလွမ်းလေးကိုပဲ မော်ဖူးနေပါရစေ……ချစ်သူရယ်။(လရိပ်လေး)(12 . 8 .03 )

***လွမ်းဇာတ်ဆရာ***

မိုးရိပ်လွင့်စင် လရောင်မြင်လည်း
တမင်ရှောင်ပုန်း သွေခွာမုန်းသူ
ဖြေရုန်းချစ်ရိပ် အလွမ်းဆိပ်သက်
တိတ်ဆိတ်ညထဲ အမုန်းကဲအောင်
လွမ်းပွဲစင်တင် သည်းပလ္လင်မှာ
ရွှေရင်ကြေမွ နာကျင်လှအောင်
သုံးချမာယာ ရက်စက်စွာ။

ချစ်ကမ္ဘာမှာ ချစ်တတ်လာအောင်
သာယာနုရွ စကားလှနဲ့
ဆုံးစမဲ့စေ ချစ်သက်သေတွေ
ရေမြေသမုဒ္ဒရာ မချန်ပါပဲ
သကာလူးသို့ ပါးမို့မို့မှာ
မခို့တရို့ နမ်းတွေဖို့တော့
မေပျို့အသည်း ချစ်ရိပ်ကဲ။

ချစ်ရက်တွေရှည် ချစ်တွေဝေလို့
တူနေတူသွား ချစ်စိတ်ပွားမှ
မုန်းထားဖို့ဆို လွမ်းခွဲလိုတော့
မေပျိုရင်ထဲ ဆယ်နေကဲပါ့
အသဲနွမ်းကြေ လွမ်းရက်ရှည်။

မဖြေသာလည်း ကြမ္မာမွဲမို့
လမ်းခွဲလေးမှာ အသည်းနာလျှက်
သူသာပျော်စေ တောင်းဆုချွေလို့
စာတွေသီကုံး မေတ္တာပြုံးနဲ့
မဆုံးကမ္ဘာ သံသရာထိ
မကွာချစ်ထုံး လွမ်းဇာတ်သုံး။(လရိပ်လေး)

****အမျိုးမပျောက်စေ မျိုးစောင့်လေ***

လူ့အခွင့်ရေး ဦးစားပေးက
ရှေ့ရေးမြန်မာ ခက်တွေ့မှာမို့
ပညာနှင့်ယှဉ် ဥာဏ်နှင့်မြင်၍
လိုအင်ဆန္ဒ ချိုးနှိမ်ကြပြီး
မျိုးလှစေရေး ဦးစားပေးကာ
နွေးထွေးလို့သာ မျိုးစောင့်ပါ။

အမျိုးမစောင့် လူမျိုးပျောက်လိမ့်
ခေတ်နောက်လိုက်ကာ သာသနာမေ့
ဘာသာရွှေ့လို့ မြန်မာတို့တွေ
ရှေ့သုို့ဆက်နေ လမ်းမှားချေက
ရေမြေကျရှုံး လူမျိုးတုံးကာ
ပျောက်ဆုံးမျိုးဆက် ဘာသာပျက်လို့
နေ့ရက်တိုင်းဟာ ကျဉ်းတန်စွာနဲ့
သေခါနောက်ဆုံး လူဖြစ်ရှုံး။

အမျိုးဘာသာ သာသနာတွက်
သံဃာတော်များ ဦးဆောင်ထားကာ
အများကောင်းကျိုး ရွက်သယ်ပိုးလို့
မျိုးရိုးစောင့်စည်း ရှေ့ခရီးတွက်
မငြီးမငြူ ပေါင်းစည်းကူလျှက်
ညီတူစုဝေး စည်းမျဉ်းရေး။

ဤသို့ဤနှယ် အတွေးကြွယ်လျှက်
မကွယ်လူမျိုး တို့မျိုးရိုးတွက်
အားကျိုးမာန်ပါ ဆောင်ရွက်တာကို
မြန်မာတို့တွေ အားပေးလေလော့
မသွေမဖောက် မျိုးကိုစောင့်လော့
ရှေ့လျှောက်ဖို့ရေး လက်တွဲပေးလော့
မျိုးရေးကိုသာ လေးစားပါလော့
ဘာသာချိုးဖောက် အကျင့်ဖျောက်လော့
မပျောက်ကွယ်အပ် တရားမြတ်တွက်
မွေးရပ်တို့မြေ ဥပဒေရေး
မသွေထောက်ခံ လမ်းကြောင်းမှန်ဖို့
ပြန်လှန်ကူလို့ မျိုးစောင့်စို့။

အမျိုးမပျောက် ခေတ်ကောင်းရောက်ဖို့
မျိုးစောင့်ဥပဒေ တည်တံ့စေရေး
တို့ပြည်သွေးချင်း လွှတ်တော်တွင်းမှ
မတ်မင်းများလည်း မေတ္တာကဲကာ
အမြဲမကွာ မျိုးစောင့်ကာဖြင့်
စာနာလို့သာ လက်ခံလာဖို့
မြန်မာများတို့ ဆုတောင်းစို့။

သာသနာ့မွေ တည်တံ့စေဖို့
တို့တွေလက်တွဲ သွေးမခွဲပဲ
တိုင်းထဲပြည်ထဲ တရားမြဲအောင်
လုပ်ဆဲလုပ်နေ ဥပဒေကို
ရေရှည်တည်ဖို့ ကြိုးစားစို့။(လရိပ်လေး)