မြို့ကြီးပြကြီး ဘယ်မနီးပေ
ခရီးရယ်ကြမ်း ဘ၀လမ်းကို
လျှောက်လှမ်းလို့လေ သောကဝေလည်း
အမေစကား ရင်ဝယ်ထားလျှက်
စိတ်အားမငယ် လျှောက်ခဲ့တယ်။
လောကရိုက်ချက် ဝဲဂယက်လယ်
စိတ်လက်မရွှင် မုန်တိုင်းဆင်သို့
အစဉ်ကျရှုံး စိတ်တွေနှုံးလည်း
မေ့ပြုံးတစ်ခါ တွေးမိကာမျှ
ရင်မှာအင်အား ပြည့်ဝသွား။
နီးတဲ့ချိန်ခါ မသိသာလည်း
ဝေးရာရောက်မှ ပိုတမ်းတပြီ
လွမ်းရရက်တွေ ကြာရှည်နေလည်း
မပြေလည်သေး ဘဝရေးကြောင့်
အဝေးကနေ လွမ်းစိတ်ဝေကာ
အမေပျော်စေ မေတ္တာဝေလျှက်
စာတွေသီကုံး လွမ်းမဆုံး။
လရိပ်လေး (မောင်းမကန်)
(8 .9 . 03 )
No comments:
Post a Comment