ခန့်ညားထယ်ဝါ ၊ မယ့်ရင်သာသည့်
ညမှာခြယ်မှုန်း ၊ လနှယ်ပြုံးကာ
နှလုံးကြည်လင် ၊ ပြစ်ကင်းစင်၍
ချစ်ချင်းဆောင်ငင် ၊ မောင့်သွင်ပြင်ကို
ရွှေရင်စွဲငြိ တွယ်မိတယ်။
ရင်ဝယ်လှုပ်ရှား ၊ နှလုံးသားက
စေစားမိန့်မြွက် ၊ ရွှန်းလဲ့လဲ့နှင့်
ကြင်ဖက်တူစုံ ၊ ချစ်ခွင့်ဆုံဖို့
ခိုလှုံသိမ့်သိမ့် ၊ အချစ်စိတ်ဖြင့်
တိတ်တိတ်ကလေး မျှော်မိတယ်။
နူးညံ့ဖြူစင် ၊ မောင့်ရင်ခွင်ကြား
ခိုဝင်နားကာ ၊ နွေးထွေးစွာဖြင့်
နှစ်လွှာအသဲ ၊ ယှဉ်လျှက်တွဲကာ
မခွဲအတူ ၊ ချစ်ကြည်ဖြူလျှက်
မငြုစူပဲ နေချင်တယ်။
စိတ်ဝယ်ရည်စူး ၊ အချစ်ဦးနှယ်
ပွင့်ဖူးချစ်ငွေ့ ၊ ရင်ဝယ်မွေ့လျှက်
ထွေးပွေ့ကြည်နူး ၊ အချစ်ဖူးတွေ
အဦးအဖျား ၊ မောင့်သဲကြားမှာ
ငွားငွားစွင့်စွင့် ပွင့်ချင်တယ်။
ရင်ဝယ်ဦးစွာ ၊ ချစ်မိပါလည်း
မောင့်မှာချစ်ဦး ၊ ရှိခဲ့ဖူးတော့
အရူးပုံနှယ် ၊ သောကကြွယ်လို့
ရင်ဝယ်ချပျိုး ၊ ချစ်စကြိုးကို
တိုးတိတ်ပုန်းပုန်း ၊ ဖြေလျှော့ရုန်းကာ
အုံ့ပုန်းလေးပဲ ချစ်တော့မယ်။...
လရိပ်လေး (မောင်းမကန်)
(၇ .၁၁ .၂၀၁၃ )
No comments:
Post a Comment