.jpg)
မာယာ အတ္တတွေ နဲ့အလှဆင်
လောဘ မောဟ ဝတ်ရုံခြုံလို့
မာနနဲ့ ကကြိုးသွယ်
တဏှာလိုက်ကာဖွင့်ဟ
လောကဆိုတဲ့ ပွဲခင်းဇာတ်သဘင်
လှမ်းအ၀င်မှာတော့ ရသစုံတေးသံစဉ်တွေနဲ့
အငို အလွမ်း ချစ်ခန်းတွေ ရောယှက်
ခင်းဆက်တဲ့ဇတ်လမ်း တင့်ဆန်းပေမယ့်…
အပြင်အဆင်က မထူးခြား
သောကမီးရောင်အောက်မှာ သြချရလောက်အောင်
ဟန်ဆောင်လို့ကကြိုးတွေကြောင့် မျက်ရည်ကျသူကကျ
ပြုံးသူကပျော် မဲ့သူကမုန်း
အဆုံးသတ်ကိုမျှော်ကိုး
စိတ်အမောတွေနဲ့ တွေဝေ
ဇာတ်လမ်းမှာနစ်မျောပျော်ဝင်လို
မှုန်ဝါးဝါးလွင့်ပျံ့နေကြတယ်။
ပဏာမဘဝ ယိမ်းအလှနဲ့စ
ဖြစ်ပျက်ခြင်းတွေကို တေးဆိုဖြေသိမ့်
အတိတ် ပစ္စုပ္ပန် အနာဂတ် တစ်ခန်းရပ်ဇာတ်လမ်း
ဟာသနဲ့ခဏတွေ့ လွမ်းဆွေးနဲ့ဇာတ်သိမ်းလို့
ဘဝရဲ့ညတညကို ဟန်ဆောင်မှုမျိုးစုံနဲ့
ဖွဲ့နွဲ့ကာကပြတော့ အိပ်ပျက်ဒဏ်ခံလို့
မိုးအလင်းပဲ ကြည့်လိုက်တယ်။
No comments:
Post a Comment