ကျွန်မတို့ရွာရောက်တော့ ကျွန်မ ကျောင်းအသစ်မှာ
ကလေးအသစ်တွေနဲ့ မပျော်ခဲ့ဘူး။ ကျွန်မကလေးတွေကိုဘဲ တမ်းတတယ်။ ကျွန်မတို့ရွာက
တောဆိုပေမဲ့ စရိုက်က မြို့ဆန်နေပြီ။ ကျောင်းဆရာမတွေကို အိမ်ခေါ်သင်နေကြပြီ။
ကျွန်မက တောရွာလေးမှာ လူတွေအရိုသေခံ ကလေးတွေရဲ့
တကယ်မေတ္တာစစ်တွေနဲ့ လွှမ်းခြုံထွေးပွေ့ နေလာခဲ့တဲ့သူဆိုတော့
ကျွန်မအတွက် အထူးအဆန်းလို ဖြစ်နေတယ်။ တတ်နိုင်သလောက် ပျော်အောင်နေတယ် မရခဲ့ဘူး။
ကျွန်မ အမေနဲ့အမကို ဖွင့်ပြောတယ်။ တောရွာလေးကို ပြန်ပြောင်းခွင့်ပြုပါလို့။ အမက
ဆူတယ်၊ “ဒီမှာက ပိုက်ဆံရတယ်၊ ရှေ့ရေးကို ကြည့်ပါ”တဲ့။
ကျွန်မ ဘယ်လိုမှ မပျော်နိုင်တဲ့အဆုံး ဘဝအတွက်ကလည်း
လိုအပ်နေတယ်ဆိုတော့ ကျွန်မ အရမ်းပျော်ရွှင်ခဲ့တဲ့ ဆရာမဘ၀လေးကို
ရင်နာနာနဲ့ စွန့်လွှတ်ရင်း ထိုင်းနိုင်ငံကို ထွက်လာဖြစ်ခဲ့တယ်။ ထိုင်းကို စရောက်ကတည်းက
ကျွန်မအခုချိန်ထ်ိ ဆရာမနဲ့ ကျောင်းသားတွေပါတဲ့ ဇာတ်ကားတွေကို မကြည့်ခဲ့ဘူး။
ရောက်ကာစက တစ်ခါကြည့်မိလိုက်တာ ကျွန်မ အရမ်းဘဲ
ကလေးတွေကို လွမ်းလို့ ငိုမိတယ်။ အဲဒီကတည်းက ကျွန်မ လုံးဝဇာတ်ကားတွေကို မေ့ထားလိုက်တော့တယ်။
ကျွန်မ တစ်ချိန်ချိန် ပြည့်စုံတဲ့ သူတစ်ယောက်ဖြစ်ခဲ့မယ်ဆိုရင်
ဂုဏ်ပကာသနမရှိ ရိုးစင်းတဲ့အသိတွေနဲ့ ဖြူစင်လွန်းတဲ့
တောရွာလေးမှာဘဲ စေတနာ ဆရာမလေး ဖြစ်ချင်ပါသေးတယ်။ အမိမြေနဲ့ ဆရာမလေးဘ၀ကို
တမ်းတခြင်းများစွာဖြင့် ဘ၀ဆက်တိုင်းမှာ လူ့ဘ၀ကိုရခဲ့ရင်
စိတ်ချမ်းမြေ့စွာနဲ့ ပညာဒါန ပေးကမ်းနိုင်သူသာ ဖြစ်ပါရစေတော့လို့
ဆုတောင်းနေမိတော့တယ်။
တမ်းတခြင်းများစွာဖြင့် ………………………..
တစ်ချိန်က ပျော်ရွှင်ခဲ့ရဖူးတဲ့
ဆရာမလေး
No comments:
Post a Comment