ကျောင်းတွေပြန်ဖွင့်တော့ စာတွေပြန်သင်ရင်း တောသူမြို့တက်တဲ့
အကြောင်းလေးတွေ ပြန်ပြန်ပြောပြီး ရီရတာအမော။ နှစ်လယ်လောက်ရောက်တော့
ငွေစာရင်းရှင်းတမ်း အစည်းအဝေးတစ်ခု လုပ်ပါလေရော။ ကျွန်မလည်း ခါတိုင်းလိုဘဲ
အကူနေရာက ဆရာမလေးဆိုတော့ ဘာမှမပြင်ဆင်ဘူးပေါ့။ ကျောင်းရောက်တော့
အစည်းအဝေး စခါနီးမှ ကျွန်မကို ငွေစာရင်းရှင်းတမ်းကို ဖတ်ပြရမယ်တဲ့လေ။
ကျွန်မက “ဆရာမကြီး ကျွန်မ ကြိုတင်လေ့ကျင့်မထားဘဲ ပြောလို့မရဘူးထင်တယ်၊ တခြားဆရာမကို
ပြောခိုင်းပါ”လို့ တောင်းပန်တာ မရဘူး။ လုပ်ကို လုပ်ရမယ်တဲ့။
ကျွန်မလည်း စိတ်တင်းလိုက်တယ်။ ကျွန်မကို အမြဲအားပေးတဲ့ ဆရာမတစ်ယောက်ရှိတယ်။ သူက ဘယ်လိုပြော
မျက်လုံးကို ဘယ်လိုကြည့်ပေါ့။ စိတ်ကို ဘယ်လိုတည်ငြိမ်အောင်ထား ကျွန်မကို
ဂရုတစိုက်ပြောပြတယ်။
ကျွန်မလည်း ဆရာမလုပ်ကတည်းက တစ်ခါမှ စင်ပေါ်မတက်ခဲ့ဖူးတော့
ဒူးတွေတောင် တုန်တယ်။ ရင်ကလည်း အဆမတန်ခုန်လို့ ကျွန်မအလှည့်ကို စောင့်နေခဲ့တယ်။
အင်းခေါ်လိုက်ပါပြီ။ ဆရာမလေး (……………..)မှ ငွေစာရင်းရှင်းတမ်းကို
ကြေငြာပါတော့မယ်ရှင်တဲ့။ ကျွန်မ ခြေထောက်တွေ ကြမ်းပြင်ပေါ် ထိလား မထိလားတောင်
မပြောတတ်ဘူး။ စင်ပေါ် ရောက်သွားခဲ့တယ်။ ကျွန်မ စိတ်တွေကို အရင်ထိန်းချုပ်လိုက်ပြီး
အကောင်းဆုံးဖြစ်အောင် ကြိုးစားပြီး ငွေစာရင်းရှင်းတမ်း တစ်ခုလုံးပြီး
အောင်ဖတ်ပြနိုင်ခဲ့တယ်။ အောက်ရောက်တော့ ကျွန်မလက်တွေ
အေးစက်နေရော ဆရာမကြီးနဲ့ ဆရာမတွေက ကျွန်မကို
“အရမ်းတော်တယ်၊ ဘယ်နေရာမှ အမှားမရှိဘူး၊ တစ်ခါမှမပြောဖူးတဲ့သူကို ပွဲထုတ်ပေးတာ”တဲ့လေ။
ကျွန်မရဲ့ ဆရာမဘ၀ ရင်ခုန်အရဆုံး အမှတ်တရလေးပေါ့။
No comments:
Post a Comment