အဲလိုနဲ့ဘဲ အဆင်ပြေသလို နေလာရင်း သင်တန်းကာလာပြီးတော့ ကျွန်မတို့ ပြန်ရတော့မယ်ဆိုတော့ လေယာဉ်လက်မှတ် စီစဉ်ပေးတယ်။ ကျွန်မနဲ့
ဆရာမနှစ်ယောက်က ကားနဲ့ပြန်မယ်။ မော်လမြိုင်ကနေ သာမညဆရာတော်ဖူးရင်းလို့
ပြန်လာခဲ့တယ်။ မော်လမြိုင်ရောက်တော့ နေမကောင်းဖြစ်လို့ ဆရာတော်လည်း
မဖူးရဘဲပြန်ခဲ့ရတယ်။ မော်လမြိုင်ကနေလာတော့ လမ်းတစ်လျှောက်လုံး
ကားပေါ်မှာ ဂိတ်တိုင်း စစ်တယ်။ ကျွန်မတို့က ဝန်ထမ်းကတ်တွေနဲ့ ဆိုတော့
ဘာမှမစစ်ပါဘူး။ ကျွန်မဘေးမှာ ပါလာတဲ့ အဒေါ်တစ်ယောက်လေ။ ပစ္စည်းတွေဝယ်ပြီး
ပြန်လာတယ်ထင်ပါတယ်။ သူ့ခမျာ ဂိတ်တွေတိုင်းမှာ ပေးနေရတာ ဖြေနေရတာ အမော။ နောက်တစ်ဂိတ်ရောက်တော့လဲ
တစ်ခါစစ်ပြန်ပြီ။ ကျွန်မလည်း သနားလာတော့ တက်လာစစ်တဲ့
ဝန်ထမ်းတွေကို မျက်နှာတည်တည်လေးနဲ့ “အဲဒါတွေ
ဆရာမတွေရဲ့ အိတ်တွေနော်၊ စာရွက်စာတမ်းတွေဘဲပါတယ်၊ ဘာမှမရှိဘူး”လို့
ပြောလိုက်တယ်။ အဲဒါနဲ့ မစစ်ဘဲ ပြန်ဆင်းသွားတော့ အဲဒီအဒေါ်က ကျွန်မကို “ဆရာမလေးရယ်၊
အရမ်းကျေးဇူးတင်ပါတယ်”တဲ့လေ။ ကျွန်မလည်း ဆရာမဆိုတဲ့ဂုဏ်နဲ့ သနားလွန်းလို့သာ လိမ်ပေးလိုက်တာ
လိပ်ပြာကတော့ သိပ်မလုံဘူးလေ။ အိမ်ရောက်တော့ အမေနဲ့အမကို ပြန်ပြောပြတော့ “နင်တော့လုပ်မယ်၊
သူများအတွက်ဆို”တဲ့။ သနားလို့ပါလို့ပြန်ပြောပြီး ရီနေရတယ်။
Subscribe to:
Post Comments (Atom)
No comments:
Post a Comment