တွေ့ရကြုံရ ဆရာမဘဝ (၅) တစ်ရွာလုံးနဲ့တစ်ယောက်
တစ်ခါက တခြားရွာလေးမှာ ဘောလုံး သွားကန်တော့ ကျွန်မလိုက်ရတယ်။
ဆရာမကြီးက အားကစား ဆရာမလေးနဲ့ ကျွန်မကို မှာလိုက်တယ်။ “ဘောလုံးအသင်းတွေ
မယှဉ်ပြိုင်ခင် အသင်းသားတွေရဲ့ အရွယ်နဲ့အသက်ကို စစ်ပြီးဆေးပါ။
ကလေးတွေ အနိုင်ရတာထက် နာကျင်မှု မဖြစ်အောင် သတိထား လုပ်ပါ။
လုပ်ပိုင်ခွင့်ပေးလိုက်တယ်”တဲ့။ ကျွန်မလည်း လိုက်သွားလို့ ဟိုရောက်တော့
မူလတန်း ကျောင်းအုပ်ဆရာမလေးရဲ့ အသင်းနဲ့ပြိုင်ရမှာ။ အဲဒီဆရာမလေးက အရမ်းအတ္တကြီးတယ်။
ကလေးတွေ အနိုင်ရအောင်လောက်ဘဲ တွေးထားတယ်။ ရောက်တာနဲ့ ပြိုင်မယ်ပြောတော့ ကျွန်မ သူ့ဘက်က
ကလေးတွေကို ကြည့်လိုက်တယ်။ အရမ်းထွားပြီး အသက်ကြီးနေတဲ့ ကလေးကို ကျွန်မ
တွေ့လိုက်တယ်။ ကျွန်မက “ခဏနေအုံး၊ သူက အသက်ဘယ်လောက်လဲ? အရပ်တိုင်းပေးပါ၊ လူချင်းမမျှခဲ့ရင်
ကလေးတွေ ထိခိုက် ဒဏ်ရာရမှာ စိုးလို့ပါ”လို့ ပြောလိုက်တယ်။ ဆရာမက ကျွန်မပြောတာ လက်မခံဘူး။
အဲဒီကလေးကို အသင်းကပယ်ရင် ဒီပွဲကို ဖျက်မယ်ပေါ့။ အားကစားဆရာမလေးက
ကျွန်မကိုကြည့်တယ်။ သူက အရမ်းအေးတယ် မပြောရဲဘူး ဖြစ်နေလို့ ကျွန်မ
ပြောမယ်လို့။
သူတို့ရွာမှာဆိုတော့ “တစ်ရွာလုံ
ရွာသားတွေကလည်း ကျွန်မနဲ့ သူတို့ကျောင်းကဆရာမ ဘယ်လို ဖြစ်လာမလဲပေါ့။
ကျွန်မလည်း မှန်တယ်ထင်ရင် ဘာမှမကြာက်တတ်တဲ့ အကျင့်က ရှိလေတော့ အများနဲ့
တစ်ယောက်ပေမဲ့ ခပ်တည်တည်ပေါ့။ ဆရာမကြီးကလည်း လွှဲလိုက်တော့ မာန်လေးနဲ့ပေါ့။
အဲဒီတော့ ဆရာမလေးက ပြန်လျှော့ချလာတယ်။ “အေးပါ၊ ဒီတိုင်းဆို အဲဒီကလေးကို
ထုတ်ပေးမယ်တဲ့”လေ။ ရွာသားတွေနဲ့ ကလေးတွေက ကျွန်မကို ပြောလိုက်ကြတာများ
“ဆရာမကတော့ စံပဲဟေ့၊ ဒ်ီဆရာမကို ဘယ်သူမှ ပြောလို့မရဘူး၊ ဒီတစ်ခါတော့
ခံရပြီမလား”တဲ့။ ကျွန်မ ပြောလိုက်တယ်၊ “ဒါအမှန်တရားလေ၊ ကျွန်မဘက်လိုက်တာ မဟုတ်ဘူး၊
လုပ်သင့်တာဆို လုပ်ရဲတယ်”လို့။ ဘောလုံးကန်တော့ ကျွန်မတို့အသင်း အနိုင်ရလိုက်တယ်။
ကျွန်မကလေးတွေဆို ကျွန်မကို ပြောလို့မဆုံးတော့ဘူး၊ “ဆရာမက ပြောရဲတယ်၊
ဒါကြောင့်သာ ကျွန်တော်တို့ နိုင်တယ်”ပေါ့။ ကလေးအတွေးတွေနဲ့ပေါ့။ ကျောင်းရောက်တော့
ကလေးတွေက ဆရာမကြီးကို အကုန်လုံး ပြန်ပြောပြကြတယ်။ ကျောင်းမှာ အထက်မြက်ဆုံးလေးပေါ့။
ကျွန်မ မျက်နှာသာလေးရလာတာပေါ့။ အားကစားပွဲစပြီဆို ကျွန်မ နေရာတိုင်း ပါသလို
ဖြစ်လာခဲ့တယ်။
No comments:
Post a Comment