***မြတ်ဆရာ***

          အရမ်းသာယာလှပနေတဲ့  ညချမ်းလေးမှာ ထိုင်းနိုင်ငံ ဗန်ကောက်မြို့တစ်နေရာ  ရှစ်ထပ်တိုက်ကြီးရဲ့ အပေါ်ထပ် လာသာဆောင်လေးမှာပေါ့။  တယောက်တည်း ငြီးငွေ့ခြင်းတွေကို  ဖြတ်သန်းဖို့ ဆုံးဖြတ်ရင်း   ပတ်ဝန်းကျင်ကို တစေ့တစောင်းလေး ငဲ့ကြည့်မိပါတယ်။  မှုန်ဝါးဝါး လရောင်လေးအောက်မှာ  ကြယ်ကလေးတွေ လင်းတစ်လှည့် မလင်းတလှည့်နဲ့ မီးရောင်တွေ ထိန်လင်းနေတဲ့  ဗန်ကောက်မြို့ရဲ့အလှက မြင်ရသူကို ကြည်နူးစေပါတယ်။

          ကျွန်မက လူတွေ အိပ်ပျာ်တဲ့အချိန်  ညအရသာလေးကို တစ်ယောက်တည်း အထီးကျန် ခံစားရတာကို အရမ်းပျော်ခဲ့တယ်။ အိပ်ပျော်မှာစိုးလို့ ကော်ဖီတွေ သောက်ပြီး ထိုင်နေတတ်တဲ့ ကျွန်မ၊  သီချင်းနားထောင်င်္ပြီး စာဖတ်တတ်တဲ့ ကျွန်မ၊ ကျွန်မအတွက်  ညဆိုတဲ့ အချိန်လေးက စာဖွဲ့မမှီနိုင်တဲ့ အလှပေါ့။

          အဲဒီလို အချိန်လေးမှာ

ကျွန်မဆီ သူငယ်ချင်းတစ်ယောက်  ဖုန်းဆက် လာခဲ့ပါတယ်။  "သူငယ်ချင်းရေ... နင်တက်ချင်နေတဲ့ ကွန်ပျူတာသင်တန်း တက်ခွင့်ရတော့မယ်"တဲ့လေ။  ကျွန်မကို ဖုန်းနံပါတ်ပေးလာခဲ့တယ်။ မနက်ရောက်တာနဲ့ ကျွန်မလည်း ဖုန်းလေးနဲ့ အဆက်သွယ်လုပ်ပြီး  သင်တန်းတက်ဖို့ သွားခဲ့ပါတယ်။

          သင်တန်းက တနင်္ဂနွေနေ့တိုင်း အခမဲ့ သင်ပေးတာလေ။ သံဃာတော်တွေကနေ ပညာဒါန သင်ပေးနေကြတာပါ။ ကျွန်မ အရမ်းပျော်ခဲ့တယ်။ သင်တန်းစတက်တော့ ကျွန်မ မရဲတရဲလေးနဲ့ ဘုန်းဘုန်းဆီ ၀င်သွားခဲ့တယ်။

          ဘုန်းဘုန်းက လက်ကွက် အရင်သင်လေတဲ့။  ကျွန်မလက်တွေ တုန်ရင်နေခဲ့တယ်။  အရမ်းကြောက်နေခဲ့တယ်။ ကျွန်မကို ဆရာက အားပေးခဲ့တယ်။ ရအောင်ရေးတဲ့။   ဘာကို ကြောက်တာလဲတဲ့။ ကွန်ပျူတာပျက်ရင် ငါပြင်မယ်တဲ့။ ဘာမှမပူနဲ့တဲ့။ လုပ်ချင်သလိုသာလုပ်တဲ့။

          ကျွန်မလည်း ကြိူးစားပြီး သင်ခဲ့တယ်။ နှစ်ပတ်လောက်ကြာတော့ ကျွန်မ ကိုယ်ပိုင်ကွန်ပျူတာလေး  ၀ယ်လိုက်တယ်။ ကျွန်မဆရာက အကုန်လုံး စီစဉ်ပေးခဲ့တယ်။ ကျွန်မ သင်ချင်တာလေးတွေဆို စိတ်ရှည်ရှည်နဲ့ ရအောင်သင်ပေးခဲ့တယ်။

          အင်တာနက်ပါရတော့ အိမ်မှာ ကျွန်မ အချိန်ပြည့် သုံးခွင့်ရခဲ့တယ်။ ကျွန်မဆရာက  ကျွန်မကို နေ့တိုင်း လိုင်းပေါ်က အချိန်ပြည့် သင်ပေးခဲ့တယ်။ အသေးအမွှားကအစ  ကျွန်မကို ဂရုတစိုက်သင်ပေးခဲ့တယ်။

          ဖိုတိုရှော့ ၀ါသနာပါတဲ့  ကျွန်မကို ဆရာက သင်ပေးခဲ့တယ်၊ ဆရာ့ပုံတွေကို ပြန်ပြင်ပြီး မလှမပနဲ့ ပို့ပေးခဲ့တယ်၊ ဆရာက အပြစ်မပြောခဲ့ဘူး  "အယ်... ငါ့တပည့်လေးက အရမ်းတော်နေပါလား၊ ဆိုင်ဖွင့်လို့ရပြီ"တဲ့လေ။ အကောင်းပြောတယ် ထင်ခဲ့တာ  ဆရာက အားပေးခဲ့တာပေါ့။

          ကျွန်မလေ ဆရာ့ကို အရမ်းအားကိုးလာခဲ့တယ်။ ဆရာကလည်း ကျွန်မအတွက်ဆို အချိန်ပြည့်လို့ ပြောလို့ရအောင်  သင်ပေးခဲ့တယ်  အားပေးခဲ့တယ်။ ကျွန်မဆရာမရှိတော့ရင် မဖြစ်တော့သလို ခံစားလာမိတယ်။ ဆရာတစ်နေရာရာ သွားတော့မယ်ဆို ကျွန်မစိုးရိမ်ခဲ့တယ်။ ပြန်မလာမှာကို  ဆရာဖုန်းမဆက်လာရင် တပည့်တွေများလို့ မချစ်တော့တာလားလို့ထင်ခဲ့တယ်။ 

          ကျွန်မက  ဆရာ့ကို ပြောလိုက်သေးတယ်၊ ဆရာ့မှာက တပည့်တွေများတယ်နော်   တပည့်မှာက ဆရာတစ်ယောက်တည်းလို့၊ ကျွန်မပိုချစ်တယ်ပေါ့။ ဆရာက ကျွန်မအဲလိုပြောရင် ပြုံးနေတတ်တယ်။ ကျွန်မဆရာ့ကို အင်တာနက်ပေါ်ကနေ အချိန်တိုင်း မပြောရတော့ဘူး  ကျွန်စိတ်ထဲမှာ ဆရာ ကျွန်မအပေါ်အရင်လိုဂရုမစိုက်တော့ဘူး    မချစ်တော့ဘူးလို့ထင်ခဲ့မိတယ်။

          ဒါပေမဲ့ ဆရာက ကျွန်မကိုဘယ်တော့မှ မပြယ်တဲ့  ဆရာတစ်ယောက်ရဲ့ ချစ်ခြင်းတွေနဲ့ ချစ်နေခဲ့တာလေ။ ကျွန်မ မသိခဲ့ဘူး ကျွန်မဖေ့ဘုတ်ကနေ ဓာတ်ပုံတွေ လိုက်ရှယ်နေတာကအစ  အသေးစိပ် ဆရာသိနေခဲ့တယ်။ ကျွန်မကို ကိုယ်ပိုင်ပုံလေး ဘာလေးတင်ပါလားတဲ့လေ။   ကျွန်မသိလိုက်ရတယ်။ ဆရာကျွန်မကို အချိန်ပြည့် ဂရုစိုက်နေခဲ့တယ်ဆိုတာ။

          ကျွန်မ ဓာတ်ပုံလေးတွေ  မတတ်တတတ်နဲ့ လုပ်ပြီးတင်တယ်။   စာတွေမတတ်တတတ်နဲ့ စရေးခဲ့တယ်။ ဆရာ ကျွန်မဓာတ်ပုံလေးတွေ လုပ်ထားတယ်ပြောတော့   ကြည့်ပြီးပြီတဲ့လေ။  ကျွန်မအံ့သြနေခဲ့တယ်။ ဆရာက တပည့်တွေကို မအိပ်မနေ သင်ပေးတယ်။ အားတဲ့အချိန်တိုင်း တပည့်တွေနဲ့ဘဲ အချိန်ကုန်စေခဲ့တယ်။ ဘယ်တော့အပြုံးမပျက်တဲ့ ဆရာ့ရဲ့မျက်နှာက လမင်းထက် လင်းလက်တောက်ပနေသလား ထင်မှတ်ရတယ်။

          ဆရာအတွေး ဆရာရဲ့စိတ်ကူးတွေအားလုံးဟာ တပည့်တွေအတွက်ဘဲ ဖြစ်ခဲ့တယ်။ ဆရာ့ရဲ့ကျေးဇူးတွေကို ကျွန်မ အမြဲနားလည်ခဲ့တယ်။ ဆရာ စာတွေ လေ့လာနေရတယ် စာတွေ ရေးနေရတယ်ဆိုတာရယ်၊ စာတမ်းတွေ ပြုစုနေရတယ်ဆိုတာကို  ကျွန်မနားမလည်ခဲ့ဘူး။

          ဆရာ့ကို မတွေ့ရရင် ကျွန်မကို မေ့နေသလားထင်ခဲ့တယ်။ ကျွန်မ တနေ့အလုပ်ပြီးလို့ ဖေ့ဘုတ်ပေါ်မှာ ထိုင်နေတုန်း ဆရာ့ဆီက စာတစ်ကြောင်း ပို့လာခဲ့တယ်၊ ကျွန်မ ဖွင့်ကြည့်လိုက်တော့  ကျွန်မနာမည်နဲ့ ဘလော့ကလေး ဖြစ်နေတယ်။ ကျွန်မ ဆရာ့ဆီ စာပြန်ရိုက်လိုက်တယ်၊ "ဆရာ ဘာပါလဲ"လို့၊ ဆရာက  ခဏတဲ့  ပြီးတော့  ဘလော့လေးထဲ ကျွန်မ ဖေ့ဘုတ်မှာ ရေးထင်ထားတဲ့  စာလေးနှစ်ပုဒ် ထည့်ပြီး ပို့လာပေးခဲ့တယ်။ နင်ရေးချင်ရာတွေ ရေးရအောင်တဲ့။

          ကျွန်မ အရမ်းပျော်ခဲ့တယ်။ ဘလော့ရေးဖို့ အခွင့်ရေးရတယ်ဆိုတာထက်  ကျွန်မကို ဆရာအမြဲတမ်း ဂရုစိုက်နေတယ်ဆိုတာကို သိခဲ့ရလို့ပါ။ ကျွန်မရင်ထဲ အတိုင်းမသိ ပျော်ရွှင်ခဲ့ရတဲ့ နေ့လေးကို ပြပါဆိုရင် ဆရာ ကျွန်မအတွက် ဘလော့ကလေး ပေးပို့လာတဲ့နေ့ပါပဲ။

          လောကမှာ လူတိုင်းမှာ သင်ဆရာ  မြင်ဆရာ ကြားဆရာဆိုတာ ရှိခဲ့ကြတယ်။ ဆရာနဲ့ ဘယ်သူမှ မကင်းနိုင်ကြပါဘူး။  ဆရာ့ ဆရာများကို ဘုရားနဲ့ တစ်ဂိုဏ်းတည်းထားလို့  ရိုသေလေးမြတ်စွာ ကန်တော့ရင်း ကျွန်မရဲ့ဆရာကို စဉ်လေးစားလျက် ဒ်ီစာစုလေးနဲ့ ကန်တော့ပါရစေရှင်။ သံသရာရာမှာ ကျင်လည်ရအုံးမယ်ဆိုရင် ဖြစ်လာမဲ့ဘ၀တိုင်း ဒီလိုဆရာမျိုးနဲ့ ကြုံရပါစေလို့  ဒီစာလေးရေးရင်း ကျွန်မ ဆုတောင်းနေမိပါတော့တယ်။ 

ဆရာတိုင်းကို လေးစားလျက်..

လရိပ်လေး(မောင်းမကန်) 
http://layeiklay.blogspot.com/