***မချိတင်ကဲ မျက်ရည်ဝဲ***

ပြည်သူတွေအား တကယ်သနား
သွေးသားလိုခင် ဖြူဖြူစင်စင်
မေတ္တာဝင်၍ ဒုက္ခတွေ့လည်း

မရွေ့မဆုတ် အားအင်ထုတ်ပြီး
အဟုတ်ချီတက်ခဲ့ကြသည်။

တွေ့ရာမှာစား ကြုံရာနား၍
အမှားမဖက် တရားဘက်က
အသက်ပေးဆပ် တကယ်မြတ်သည့်
စိတ်ဓာတ်ကိုထား ပြည်သူများအား
အလေးထားကာ ကူခဲ့သည်။

မေတ္တာယှဉ်ကာ ငြိမ်းချမ်းစွာနှင့်
ကူပါသော်လည်း ကြမ္မာမွဲ၍
မီးစွဲလောင်ကာ သေရာပါမဲ့
ဒဏ်ရာတွေနဲ့ အကုခက်၍
အသက်ယဲ့ယဲ့ သာကျန်တော့ပြီ။

ဒဏ်ရာများစွာ အမြန်သာပျောက်
လိုရာရောက်၍ စိတ်ကမွေ့လျော်
ထွေးပွေ့ပျော်ကာ သာသနာကို
ပမာနေမင်း ရောင်ဝါလင်းဖို့
အားထုတ်သူများ ဖြစ်ပါစေ။

မြင်သာမြင်လည်း ကြင်ရခက်ခဲ
ဘ၀မွဲမို့ သံဃာတို့တွက်
ဆက်ဆက်မခြား ပြည်သူများက
စိတ်အားဖြင့်သာ ကြင်နာစွာဖြင့်
စာနာဆုတောင်း စိတ်မကောင်းပဲ
မျက်ရည်ဝဲလျှက် ငိုကြပြီ။.....(လရိပ်လေး)