မနမ်းထိုက်တဲ့ပန်းကိုမှ
အရမ်းရှိုက်ကာနမ်းချင်မိလေတော့
ရင်အစုံမှာအပူတွေကျွမ်းပါလို့
နွမ်းလှပေါ့လေး။
တင့်ဆန်းကာလှပါပေ့
ပွင့်စမ်းကွဲ့ ပင်ယံမှာ
ပန်ချင်သူ တံချူကမ်းပါလို့
လှမ်းဆွတ်မယ်ကြံရွယ်တဲ့
နန်းထိုက်တဲ့ပန်း။
ကျွမ်းမြေ့စမ်းစေ
မနမ်းထိုက်သူခန္ဓာကြွေလည်း
ရင်မှာလေ တကယ်မမေ့နိုင်ဘူး
နွေတစ်ရာနှယ် အနေခက်ပေမဲ့
အဖြေမထွက်တဲ့ပုစ္ဆာသဖွယ်
မှန်ရာကိုမဆိုရဲ ကံဇာတာတကယ်မွဲတာမို့
မပန်ထိုက်သူ ဘဝလမ်းမှာ
ရင်နင့်အောင် … လွမ်း။
No comments:
Post a Comment