***တမ်းတသင်္ကြန်***

ကမ္ဘာတလွှား ပြိုင်စံရှားသည့်
တို့များသင်္ကြန် ရောက်ခဲ့ပြန်လည်း
ပြန်လှန်ကာတွေး ဝမ်းစာရေးကြောင့်
အဝေးမှလေ လွမ်းလျက်နေမည့်
ရေမြေနယ်ခြား မိတ်ဆွေများကို
စိတ်ထားမှန်ဖြင့် တမ်းတသည်။

သင်္ကြန်ချိန်ဆို လွမ်းအားပို၍
ရင်ဖိုစိတ်ကူး အတွေးထူးဖြင့်
ရည်စူးမိဘ ကန်တော့ရဖို့
ခွင့်ကမသာ ကံကြမ္မာကြောင့်
မှန်းကာလွမ်းဝေ မိတ်ဆွေတွေကို
စိတ်တွေနွမ်းရင်း တမ်းတသည်။

နောင်များဘဝ လူဖြစ်ရလျင်
တူမျှဖြစ်တည် တို့မြန်ပြည်ဝယ်
ရေရှည်လုပ်ကိုင် မြဲရနိုင်လျက်
တို့ပိုင်မြေကြီး ရွှေငွေသီးကာ
အထီးကျန်လှ ဝေးရောက်ရသည့်
ဘဝကြွေးတွေ ကင်းပါစေကြောင်း
ဆုချွေ တောင်းရင်း တမ်းတသည်။

ခုများချိန်ခါ လွမ်းနေပါလည်း
ရင်မှာအားမွေး နောင်ရေးတွေးလျက်
မွေးရပ်မြေခြား ကိုယ့်ခွန်အားဖြင့်
စိတ်ထားဖြောင့်မှန် မြန်ရုန်းကန်ကာ
သင်္ကြန်ချိန်ခါ နှစ်များစွာကို
ကြုံပါစေကြောင်း မေတ္တာလောင်း၍
စိတ်ကောင်းထားရင်း တမ်းတသည်။
လရိပ်လေး(မောင်းမကန်)
7 – 4 - 2015
http://layeiklay.blogspot.com