“သခင်မြင်လှည့် ကြင်စေချင်”

* ရင်ကိုအပ်နှင်း ချစ်ခင်ခြင်းဖြင့်
- စိတ်ရင်းအမှန် မဖောက်ပြန်ပဲ
- ချစ်ဟန်ပြကာ ချစ်စိတ်ဖြာ။

* နှလုံးသားကြား မုန်းမပွားပဲ
- ချစ်အားသာပို မေတ္တာခို၍
- ရင်ဖိုသည်းသက် ချစ်ရည်လက်။

* နေ့ရက်ချိန်ကြာ ချစ်ရ်ိပ်လွှာက
- နှစ်မွှာအသဲ ချစ်စိတ်ကဲ၍
- စွဲမြဲမည်သာ ထင်ခဲ့ရာ။

* အနှစ်မပါ ချစ်ဗလာဖြင့်
- ပစ်ခွာသူလေး ရှောင်ဖယ်ပြေးတော့
- ချစ်ဝေးမလေး ပူပင်ဆွေး။

* တွေးရင်းသာငို လွမ်းစိတ်ပိုလို့
- သူ့ကိုတမ်းတ လွမ်းနေရတာ
- နေ့ညရှည်ကြာ လွမ်းမြစ်ဖြာ။

* အကယ်၍များ မြင်နိုင်အားလျှင်
- စိတ်ထားကိုပြင် ချစ်စိတ်ဝင်၍
- သခင်မြင်လှည့် ကြင်စေချင်။

လရိပ်လေး (မောင်းမကန်)
(၁၇- ၁၀- ၂၀၁၄)
http://layeiklay.blogspot.com/

စက္ကန့်တိုင်းပါပဲ........ချစ်သူ

ဘ၀ခရီးကြမ်းမှာ လျှောက်လှမ်းဖို့
အလွမ်းတွေ သော့ခတ်သိမ်းထားချင်ပေမဲ့
အတိတ်အရိပ်တွေက
ရင်ကိုစူးနစ်နေတာ 
စက္ကန့်တိုင်းပါပဲ........ချစ်သူ

လရိပ်လေး (မောင်းမကန်)
(၁၆ .၉ .၂၀၁၄)
http://layeiklay.blogspot.com/

* နိုင်ငံဂုဏ်ရည် မဂ္ဂဇင်း နဲ့ “မချိအလွမ်း” ဆိုတဲ့ ကဗျာလေး *

ထိုင်းနိုင်ငံကနေ မြန်မာပြည် ပြန်ရောက်တဲ့ ညနေမှာ ရင်ထဲက တကယ့်ခံစားချက်လေးကို ရင်ဖွင့်ရေးသားလိုက်တဲ့ “မချိအလွမ်း” ဆိုတဲ့ ကဗျာလေး နိုင်ငံဂုဏ်ရည် မဂ္ဂဇင်းမှာ ပါလာတယ်။ စာမူခနဲ့ မဂ္ဂဇင်း စာအုပ်လေးက ကျွန်မရင်အစုံကို လှုပ်ရှားစေရုံမက ပီတီတွေ လွှမ်းစေခဲ့တာပေါ့။

မြန်မာဂန္ထဝင် ကဗျာလေးနဲ့ နိုင်ငံဂုဏ်ရည် မဂ္ဂဇင်းမှာ ထုတ်ဖော်ခွင့်ရလို့ ပျော်ရွှင်ရင်းနဲ့ ကျွန်မကို ကဗျာရေးနည်း ကူညီ သင်ကြားပေးတဲ့ ဆရာ/ဆရာမများနဲ့ သူငယ်ချင်း မိတ်ဆွေများကို ကျေးဇူးအရမ်းတင်ပါတယ်။ ဒါကြောင့်မို့ ဆရာ/ဆရာမများကို ဂုဏ်ပြုရင်း မဂ္ဂဇင်းစာအုပ်လေးကို တင်လိုက်ပြီရှင့်၊ ကြွားတာလည်း ပါတာပေါ့နော်။

အားလုံးကို လေးစားလျှက် ..

လရိပ်လေး(မောင်းမကန်)
၎. ၉. ၂၀၁၄

- - - - - - - - -

***မချိအလွမ်း***

မြင်ချင်ပါလျက်
မြင်ဖို့ခက်
ဆိပ်သက်နေ့စွဲ မီးနှယ်ကဲ။

ကြားချင်ပါလျက်
ကြားရခက်
ခွန်းဆက်ခြွေမှာ စောင့်လို့သာ။

ဆုံချင်ပါလျက်
ဆုံရခက်
မှေးစက်မျက်လွှာ သူ့ရိပ်သာ။

မေ့ချင်ပါလျက်
မေ့ရခက်
ရင်ထက်ဒဏ်ရာ နှိပ်စက်လာ။

မလွမ်းချင်လည်း
လွမ်းနေဆဲ
စိတ်ထဲသိမ့်သိမ့် မျက်ရည်ဝဲ။

မဝေးချင်လည်း
ဝေးနေမြဲ
သည်းထဲမှာပဲ ဒဏ်ရာကဲ။.....

လရိပ်လေး(မောင်းမကန်)
http://layeiklay.blogspot.com/

***လမ်း***

စက္ကန့်များ သေဆုံး
သက္ကရာဇ်တွေ တိုးလည်း
ရုန်းကန်ခြင်းက သံမှိုစွဲရင်း
ဘ၀က ဆန့်တငင်ငင်။

ငိုချင်ရက်နဲ့ ပြုံး
မြင်ချင်ရက်နဲ့ ပုန်းရင်း
သံယောဇဉ် ကို
မျက်ကွယ်ပြုနေရ။

စိတ်နှင်ရာကို မလျှောက်နိုင်ခင်
ဟန်ဆောင်ခြင်း မျက်နှာဖုံးကို
တခါတလေ ကျေနပ်လက်ခံနေရ။

ဘယ်သူမှားတယ် မှန်တယ်
မဝေဖန်ရဲလောက်အောင်
ကိုယ်တိုင် အမှားက ပြန်ပြန်ထောက်ပြ
စိတ်ဓာတ် ချောက်ထဲမကျအောင်
ဆင်ခြင်ခြင်းနဲ့ ပြန်ဆယ်ယူနေရ။

အပေါ်ကိုကြည့်တော့ နေရာလုကြ
အောက်ကိုလှည့်တော့ စားခွက်လုကြ
ကိုယ်တိုင်ကြတော့ အတ္တမာန
ဘ၀ဆိုတာ ဒါလား။

လာရာကို မရွေးချယ်နိုင်ခဲ့ပေမဲ့
လားရာကို ရွေးချယ်ခွင့်ရှိတဲ့
လူဆိုတဲ့ငါ သမိုင်းလှကျန်ဖို့
လူမဆန်တာတွေကို ခ၀ါချလိုက်တော့မယ်။ ။

လရိပ်လေး (မောင်းမကန်)
(၈ .၈ .၂၀၁၄)
http://layeiklay.blogspot.com/

ကွန်ဂရက်ကျူလေးရှင်း

ကွန်ဂရက်ကျူလေးရှင်း

လရိပ်လေး(မောင်းမကန်)

http://layeiklay.blogspot.com/

 

မှော်ဝင်ပန်း

အဖူး ထွက်စပဲရှိသေး
အမြင်တွေေ၀၀ါး
အတွေးများ မှောက်မှားလို့
ဒဏ်ရာအစီရီနဲ့ နှလုံးသားက
ငိုညဉ်းသံတွေ ထွက်ကျလာတယ်။

ရနံ့ သင်းရုံပဲရှိသေး
ရင်တစ်ခုလုံး စူးနစ်
နှလုံးသွေးများ ယိုဖ်ိတ်ရင်း
အသက်ရှူသံတွေ ဘောင်ဘင်ခတ်ကုန်တယ်။

သံယောဇဉ် မျိုးစေ့ကို
မေတ္တာနဲ့ ပေါင်းသင်
သစ္စာဆင့် အပင်ပျိုးတဲ့
အချစ် ပန်းပင်မှာ
အလွမ်း ဆိုတဲ့
မှော်ဝင်ပန်း ပဲ ပွင့်လန်းလာခဲ့တယ်။

မပန်ချင်လည်း ကြမ္မာစေတဲ့ပန်းမို့
တစ်သက်စာ ချစ်ပန်းတစ်ပွင့်ရဲ့
လျော်ကြေးလို့ သတ်မှတ်ရင်း
ရဲရဲကြီး ပန်ဆင်လိုက်ပါ့မယ်…..ချစ်သူ။

ချစ်တတ်သူတိုင်း မှော်ဝင်ပန်းလေးနဲ့
မဆုံရပဲ ချစ်ကမ္ဘာလှလှလေးမှာ
ချစ်ပန်းလေးတွေ ပန်ဆင်နိုင်ကြပါစေရှင်။

လရိပ်လေး ( မောင်းမကန်)
(၂၀ .၇ .၂၀၁၄)

http://layeiklay.blogspot.com

***အဖေသို့တမ်းချင်း***

မဏ္ဍိုင်ပြိုလဲ ထိုရက်စွဲတွင်
နင့်နဲနာကျင် စွဲရစ်ထင်ခဲ့
မကြင်ကြမ္မာ ကံစေတာမို့
ခိုရာမဲ့စေ အရိပ်ခြွေကာ
အဖေဝေးရာ လှမ်းလေပြီ။

ပခုံးပေါ်ထမ်း မမောပန်းပဲ
ဆော့တမ်းကစား ကြည်စယ်အားနှင့်
ပျော်ပါးရက်တွေ လွမ်းသက်စေတော့
အဖေရိပ်သွင် ပြန်မြင်ချင်သေး
တွေးထင်ရေးရေး မျက်ရည်ထွေး။

အိပ်ရာဝင်စဉ် ရှေးပုံပြင်လေး
ကြင်ကြင်နွေးနွေး ပြောပြထွေးသိပ်
မွှေးမွှေးပေး၍ နှိုင်းမဲ့စိတ်ဖြင့်
မှေးမှိတ်စေတာ အဖေသာမို့
စက်ယာဆောင်နန်း လွမ်းရိပ်သန်း။

ဘ၀လမ်းစ ရုန်းကန်ရတော့
ဖြစ်ကြပျက်ကြ မာန်မာနကြား
သောကပွားချိန် တမ်းတနေမိ
အဖေရှိလျှင် ပူကင်းစင်ဝေး
ရွှေရင်ငြိ်မ်းမှာ အသေချာမို့
လွမ်းရခါခါ တိုးတိတ်စွာ။

ဘယ်သို့ဘယ်ပုံ ပြီးပြည့်စုံလည်း
မကုံလုံတာ ဖေ့မေတ္တာမို့
ရင်မှာမှန်းဆ တမ်းတတဖြင့်
ပြုရကုသိုလ် အဖုံဖုံကို
ဘယ်ဘုံဌာန ရောက်ရာမှသာ
အမျှရစေ ပေးငှဝေသည်
အဖေသာဓု ခေါ်စေသော်ဝ်။

လရိပ်လေး(မောင်းမကန်)
(၁၅ . ၆ .၂၀၁၄ )
http://layeiklay.blogspot.com/