***အခက်***

မြူနှင်းဆိုင်းရာ
တောင်ပေါ်မှာ
လမ်းရှာခက်မည်သာ။

မှောင်ကိုကြိုက်ကာ
လင်းမရှာ
သွားရာခက်မည်သာ။

လရိပ်လေး (မောင်းမကန်)
5.8.2017
http://layeiklay.blogspot.com

**တွေးတစ်စ***

ရှုပ်ထွေးပွေလီ

ဥာဏ်မမီ

ရောင်နီဝေးလျက် မှောင်လိမ့်မည်။

အမှန်ထောက်ပြ

ဥာဏ်ရှိက

မှောင်မှလင်းသို့ ရောက်လိမ့်မည်။

လရိပ်လေး (မောင်းမကန်)

3.8.2017

http://layeiklay.blogspot.com

***သတိ***

ငါသာသိတတ် ငါသာမြတ်လျက်

အတ္တငါစွဲ ယုံကြည်ကဲသော်

စိတ်ထဲဘဝင် တော်လှထင်၍

မြင်သမျှလူ မတတ်သူဟု

ငြူစူစိတ်သာ ဝင်လိမ့်မည်။

စကားပြောလျှင် မဆင်ခြင်ပဲ

ထင်မြင်သမျှ နှိမ်ချလို့သာ

ဆက်ဆံပါမူ ခံရသူမှာ

ငြူစူစိတ်သာ ဝင်လိမ့်မည်။

စာပေရေးခါ မသေချာပဲ

အက္ခရာမှား စော်ကားလိုငြား

စိတ်ထားဖြင့်သာ ရေးသားပါမူ

စာဖတ်သူမှာ စိတ်မသက်သာလျက်

စိတ်မှာနာကျင် ပေလိမ့်မည်။

လူသားချင်သာ စာနာပါလျင်

ငါမည်အတ္တ ရှောင်ဖယ်ကြလျက်

မျှတရေးသား ပြောစကားကို

သတိထားဖို့ လိုပေမည်။

လရိပ်လေး (မောင်းမကန်)

1.8.2017

http://layeiklay.blogspot.com

***အချစ်ရှာ အလွမ်းတွေ့***

အချစ်ကဗျာ ရေးချင်ပါလည်း

ပစ်ခွာမုန်းပြေး ချစ်နှင့်ဝေးလျက်

ဆွေးရိပ်ဗျာပါ လွမ်းရတာမို့

သည်ကဗျာမှာ အလွမ်းသည်သာ

ဦးတည်ရေးစရာ ဖြစ်ဖြစ်လာ။

ချစ်အကြောင်းရေး ချစ်ကြောင်းတွေးလျက်

နွေးထွေးမေတ္တာ ချစ်ကဗျာတွက်

ဘယ်မှာအချစ်စစ် ရှာရပါ့။

လရိပ်လေး (မောင်းမကန်)

27.7.2017

http://layeiklay.blogspot.com/

***ချစ်မဲ့ရာသို့ ***

အနာတရ များလှခေတ်ဝယ်

ထာဝရသည်ကား တိမ်လွှာများနှယ်

လေကြားလွင့်ပြယ် အချစ်ကွယ်သည်။

အစစ်လို့ထင် ချစ်မိရင်ဖြင့်

ဘဝင်ပူဆွေး သောကထွေးလျက်

လွမ်းရေးဆင်ကာ ငိုရသည်။

သိပါသော်လည်း ချစ်နွံထဲ၌

ဝဲကာလည်၍ တသိမ့်သိမ့်တိုး

ချစ်စိတ်မိုးလို့ ပျော်ကြသည်။

အချစ်တဏှာ ပစ်ခွာချင်လည်း

ရင်မှာနွယ်ယှက် ချစ်ရေစက်ကြောင့်

သက်နဲ့ရင်းလျက် ချစ်ဖူးသည်။

အကယ်၍များ

အချစ်မသိ ချစ်မရှိသည့်

နတ္ထိကမ္ဘာ တွေ့ခဲ့ပါမူ

ပြေးကာသွား၍ နေတော့မည်။

လရိပ်လေး (မောင်းမကန်)

၁၀.၇.၂၀၁၇

http://layeiklay.blogspot.com/

***ကော့သောင်းပင်လယ် လွမ်းရိပ်ချယ်***

လေပြေလေညှင်း ရနံ့ဆင်းနှင့်

ခင်းကျင်းကြည်သာ ပင်လယ်ပြာဝယ်

ရင်မှာကြုံထား အတိတ်များနှင့်

စိတ်အားငယ်ရာ ချစ်ဝေဒနာကို

ချန်ကာထားရစ် ခဲ့လေပြီ။

အတိတ်နောင်တ ကြုံခဲ့ရလည်း

ဘဝတွက်တာ သင်ခန်းစာဟု

ရင်မှာမှတ်ယူ စိတ်သစ်မူ၍

တမူထူးစွာ ပြောင်းခဲ့ပြီ။

လူ့ဘဝဆိုတာ ခဏတာမို့

ဖြစ်ရာပျက်ရာ ဓမ္မတာကို

ရင်မှာသိထား ပညာအားဖြင့်

စိတ်နားပန်းဖြေ သဘာဝမြေဝယ်

လေပြေညှင်းလေး ရှူခဲ့သည်။

လရိပ်လေး(မောင်းမကန်)

6.7.2017

http://layeiklay.blogspot.com/

***ပင်လယ်ပြာပြာ လွမ်းအက္ခရာ***

တစ်ခဏတာ ဆုံရပါလည်း
ရင်မှာတွယ်ငြိ သူ့အကြည့်နှင့်
မချိအလွမ်း သူပေးစွမ်းလျက်
တမ်းတစေတာ ပင်လယ်ပြာ။

ပင်လယ်ပြာလှ ငေးခွင့်ရလျက်
သဘာဝရှုခင်း အလှဆင်းသည်
စိတ်ရှင်းကြည်လဲ့ ပျော်စေခဲ့လည်း
ဖော်မဲ့သူလေး ရင်ဝယ်ဆွေးလျက်
လွမ်းရေးသာငင် မပျော်ရွှင်။

ချစ်ရည်တူမျှ ယှဉ်တွဲရလျက်
သည်အလှအား ခံစားခွင့်သာ
ရခဲ့ပါမူ သည်အငူဝယ်
ပြိုင်သူမဲ့ရှား ကြင်နာထား၍
ချစ်အားပိုမိ ပေတော့မည်။

လရိပ်လေး (မောင်းမကန်)
29.6.2017
http://layeiklay.blogspot.com/

***အမှာပါးချင်***

လွမ်းခွင့်မရှိသော်လည်း

ချစ်မိသည့်နှလုံးသား

အဆိပ်သင့်ထားသည်မို့

လွမ်းစကားလေး

အမှာပါးချင်ပါရဲ့လေ။

လရိပ်လေး( မောင်းမကန်)

4.6.2017

http://layeiklay.blogspot.com/

***အတွေးကြေးမုံ***

အမှောင်ထုအောက်က မီးရောင်တွေကြား

မပီဝိုးတဝါး မြင်ကွင်းတွေဆီငေးရင်း

အလင်းဖြစ်တည်ဖို့

အမှောင်ကစတေးခံရတာလား

အမှောင်ညအတွက်

အလင်းကစတေးခဲ့လေသလား

အရူးသာသာအတွေးစိတ်ကူးက

ကိုယ့်ဘဝကိုယ် ပြန်မြင်နေရ

တစ်နေ့တာအချိန်ရဖို့

တစ်ညတာအိပ်ရေးအပျက်ခံ

ရန်ကုန်မှ နေပြည်တော်ခရီးလေးက

ညအလှကြား ခစားလျက်ပေါ့

လရိပ်လေး( မောင်းမကန်)

4.6.2017

http://layeiklay.blogspot.com/

***နှုတ်ဖျားစကား ငြိမ်းစေအား***

မနာလိုစိတ် ယိုကာဖိတ်လျက်

စိတ်ကြွလာသော် ဒေါသမွှန်၍

နှုတ်ကျွံစကား စည်းမထားပဲ

ဆဲဆိုကြတာ ကြောက်စရာ။

သူမှားကိုယ်မှား အပြိုင်မှားသော်

စော်ကားဆဲဆို အတ္တပိုသူ

ထိုလူသည်ကား ပို၍မှားလျက်

လားရာလွဲမှာ အသေချာ။

ဘယ်သူမှားမှား ကိုယ်တရားရှိ

နှုတ်ဖျားသတိ စောင့်စည်းသိလျက်

ညှိုနှိုင်းလက်တွဲ မေတ္တာမြဲမှ

သွေးမကွဲမှာ တကယ်ပါ။

အကြောင်းပြကာ ဆဲဆိုပါလည်း

ဆဲသည့်စကား ပါးစပ်ဖျားက

ပြစ်မှားမိသူ ထိုလူသည်သာ

ပူလောင်ရမှာ တကယ်ပါ။

ငြိမ်းချမ်းရာစစ် တကယ်ချစ်လျင်

အပြစ်ထောက်ပြ စကားလှဖြင့်

နှုတ်ကချိုသာ ဆိုလှည့်ပါမှ

သာယာလှပ အေးမည်ပ။

လရိပ်လေး( မောင်းမကန်)

29.5.2017

http://layeiklay.blogspot.com/

***လွမ်းမိတယ်***

သည်ပန်းများကြား မေပြုံးထားလည်း

စိတ်အားကငယ် လွမ်းစိတ်ကြွယ်လျက်

ရင်ဝယ်ချစ်ဖူး မေ့သည်းဦးကို

အရူးပုံနှယ် လွမ်းမိတယ်။

လရိပ်လေး (မောင်းမကန်)

18.4.2017

http://layeiklay.blogspot.com/

***အပျော်စစ်***

အချစ်ပယ်ဖျက် တဏှာမမက်က

ပြုံးမပျက်ပဲ နေရသည်။

အတ္တမဖက် ငွေမမက်က

နေ့ရက်တိုင်းတွင် ပျော်ရသည်။

ကိုယ်ကျင့်သီလ စောင့်ထိန်းက

ဘဝလှဖို့ သေချာသည်။

လရိပ်လေး (မောင်းမကန်)

၁၃.၄.၂၀၁၇

http://layeiklay.blogspot.com/

***ရွှေဘိုမြေမှ ဖြူစင်သူများသို့***

ရိုးသားဖြူစင် သင်ယူချင်လျက်
ခင်မင်ဖော်ရွှေ သူတို့နေရာ
မြေရွှေဘိုဝယ် မြင်ဖလှယ်၍
တွေးကြွယ်စွာနှင့် မေတ္တာချစ်ခြင်း
ရင်ဖြင့်ရင်းကာ ရခဲ့သည်။

ပညာမျှရ ကုသိုလ်လှကြောင့်
သည်မျှဖြင့်သာ မရပ်ပါပဲ
ခန္ဓာဘဝ ရှိနေသမျှ
ပေးခွင့်ရစေ ဆုတောင်းချွေသည်။

ကျွန်မတိုင်းတာ အောင်မြင်ရာကား
စာနာစိတ်ထား မေတ္တာများဖြင့်
အများသူငှာ စီးပွားရှာရေး
ပညာဥာဏ်ပေး မျှဝေတွေးကာ
ဝေးနေမြို့ရွာ ကူညီမှာမို့
မှန်စွာအောင်မြင် ခဲ့ပေပြီ။

ရွှေငွေရယ်ရှား ဘဝခါးလည်း
အများဆင်ပြေ ပျော်ရွှင်လေတာ
မြင်နေရက မောသမျှပြေ၍
ပျော်ရရင်မှာ ကျေနပ်တာမို့
နောင်ခါသည်မြေ လာပါရစေ။

လရိပ်လေး (မောင်းမကန်)
၇.၄.၂၀၁၇
http://layeiklay.blogspot.com/

 

***ကိုယ့်အကြောင်းကိုယ်သိဖို့***

အတ္တအရေခြုံထားသူတွေက

ဖြူစင်မှုအကြောင်းကို ချဲ့ကားပြီး

အဓိပ္ပါယ်ဖွင့်ဆိုကြတယ်။

မာနအရေခြုံထားသူတွေက

ကိုယ်ချင်းစာတရားအကြောင်း

ချဲ့ကားပြီး အဓိပ္ပါယ်ဖွင့်ဆိုကြတယ်။

လူသားဖြစ်နေပြီး

လူ့ဘဝအကြောင်းမသိထားသူတွေက

လူသားတွေ အကြောင်းသုံးသပ်နေကြတယ်။

လောကကြီးကလူတွေက

ကိုယ့်စိတ်ထား ကိုယ့်အကြောင်းကို သုံးသပ်ပြီး

အဓိပ္ပါယ်ဖွင့်ဆိုဖို့ မေ့နေတတ်ကြတယ်။

လရိပ်လေး (မောင်းမကန်)

၁.၄.၂၀၁၇

http://layeiklay.blogspot.com/

***စိမ်း***

သခင့်အပါး အချစ်များနှင့်

ဝင့်ကြွားလို့သာ နေချင်ပါလည်း

တဏှာစက်ကွင်း သည်ချစ်ခြင်းက

ရင်တွင်းပူပြင်း နှိပ်စက်ခြင်းမို့

ခပ်ကင်းကင်းလေး နေတော့မယ်။

သခင့်အရိပ် နွေးစေလိမ့်လည်း

ချစ်စိတ်တဏှာ ပူလှတာကို

မှန်စွာသိရ ခုဘဝဝယ်

ခဏအေးငြိမ်း စိတ်မယိမ်းဖို့

ခပ်စိမ်းစိမ်းလေး နေတော့မယ်။

လရိပ်လေး (မောင်းမကန်)

31.3.2017

http://layeiklay.blogspot.com/

***NOပါကွယ်***

အတ္တသမားတွေ တရားပြတဲ့ခေတ်မှာ

အငတ်ငတ်အပြတ်ပြတ်နဲ့ တရားကျနေရတယ်။

အမှားလုပ်သူတွေ အမှန်တရားဆိုပြီး အလင်းပြတော့

မျက်ကန်းတွေ ခေါင်းညိတ်ကြတယ်။

ပညာရှင်အမည်ခံတွေ အဆိပ်သင့်စာပေရေးပြတော့

စာပေဆိုတာ သို့လောသို့လောနဲ့

အော် အန်ကယ်ဦးသိန်းတန်ကြီးပြောတာလေးသဘောကျမိ

ပြောင်းလဲခြင်းတဲ့လား

အန်ကယ်ကတော့ NOပါကွယ်။

လရိပ်လေး (မောင်းမကန်)

၂၇.၃.၂၀၁၇

http://layeiklay.blogspot.com/

***အပူငြိမ်းချမ်း စိတ်ရွှင်လန်း***

မခူးခဲ့ရက် နမ်းသက်သက်နှင့်

လင်းလက်စေချင်ခဲ့သူပါ။

ဟန်မဆောင်ရက် ရိုးသားလျက်နှင့်

ကမ်းလက်ပေးချင်ခဲ့သူပါ။

နေရာမယူရက် ခွန်အားဖက်၍

များတွက်လုပ်ပေးချင်သူပါ။

အတ္တမာန ခဝါချလျက်

ပူလှခန္ဓာ ငြိမ်းချမ်းရာကို

ရှာမှသာလျင် လူ့ဖြစ်အင်ကား

ပျော်ရွှင်အေးမြ လှပမှာ။

လရိပ်လေး (မောင်းမကန်)

26.3.2017

http://layeiklay.blogspot.com/

 

***ယုံကြည်ရာ***

*ဆန္ဒအတွက် အချိန်၊ငွေ၊လုပ်အားတွေပေးဆပ်ခဲ့သည်။

*ယုံကြည်မှုအတွက် အချစ်, အလွမ်းတွေ ချန်ရစ်ခဲ့သည်။

*အများအကျိုးအတွက် ပျော်ရွှင်မှုတွေ စတေးပစ်ခဲ့သည်။

ဤအရာအားလုံး၏ ရလဒ်သည် တန်ဖိုးမဖြတ်နိုင်သော

ကိုယ်ကိုယ်တိုင်အတွက် ကျေနပ်မှုဖြစ်သည်။

မိမိ၏အာသာဆန္ဒတစ်ခုအတွက်

သူတစ်ပါး၏ ဘဝကို ညှိးနွမ်းစေသော လုပ်ရပ်ကို ဘ

ယ်သောအခါမှမလုပ်မိစေရန်

မိမိစိတ်ဓာတ်နှင့်လုပ်ရပ်အား

ကျွန်မသည် နေ့စဉ်နှင့်အမျှ သုံးသပ်ဆင်ခြင်နေမိသည်။

ရုပ်ဆင်းအဂါင်္ လှနေပါလည်း

စိတ်မှာရိုင်းပြ ဟန်ဆောင်ကြလျက်

ဒုက္ခပေးနေ မိတ်ဆွေတွေနှင့်

ဝေးပါရစေ တောင်းဆုချွေသည်။

လရိပ်လေး မောင်းမကန်

၂၀.၃.၂၀၁ရ

http://layeiklay.blogspot.com/

***ယုံကြည်မှုကိုမဲ့စေသူများ***

ပေးကမ်းစွန့်ကြဲခြင်းနှင့်

ကိုယ်ချင်းစာတရားထားခြင်းသည်

ကွာခြားမှုရှိသည်။

ငါဟူသော အတ္တအစွဲရှိသူများသည်

သူတစ်ပါးအားစော်ကားနှိမ့်ချရန်

ဝန်မလေးတတ်ကြပေ။

ခေါက်ရိုးကျိုးနေသော

အထက်စီးဆန်သည့်

ဆက်ဆံမှုများကြောင့်

တစ်ဖက်သားစိတ်ဓာတ်အား

ရိူက်ချိုးသကဲ့သို့ ဖြစ်တတ်သည်။

အသေမြတ်ဖို့အတွက်

အနေတတ်ဖို့ လိုနေကြောင်း

ပိုပိုသိလာရသည်။

လူဖြစ်နေကြခြင်းကြောင့်

လူသားဆန်၍

အမှန်တရားသည်

လမင်းတိမ်ဖုံးသကဲ့သို့

မဲမှောင်လာတတ်သည်။

ယုံကြည်မှုကိုမဲ့စေသူများသည်

လူသားများဖြစ်ပြီး

လူတို့စိတ်သည်ကား

ကြောက်စရာအကောင်းဆုံး

လူသတ်လက်နက်ဖြစ်သည်။

လရိပ်လေး(မောင်းမကန်)

၎.၃.၂၀၁၇

http://layeiklay.blogspot.com/

***ကျဆုံးခန်း***

အောင်မြင်မှု၏ နောက်ကွယ်၌

ပျော်ရွှင်ခြင်းတို့ ကျဆုံး၏။

ဟန်ဆောင်မှု၏ နောက်ကွယ်၌

ရိုးသားခြင်းတို့ ကျဆုံး၏။

အငြိုးအတေး၏ နောက်ကွယ်၌

မေတ္တာတရားတို့ ကျဆုံး၏။

ဒေါသတရား၏ နောက်ကွယ်၌

သည်းခံနိုင်စွမ်းတို့ ကျဆုံး၏။

အမြင်မကြည်ခြင်း၏ နောက်ကွယ်၌

နားလည်မှုတို့ ကျဆုံး၏။

မှားယွင်းသောစော်ကားမှု၏ နောက်ကွယ်၌

ချစ်ခြင်းတရားတို့ ကျဆုံး၏။

အတ္တ၏ နောက်ကွယ်၌

ငြိမ်းချမ်းခြင်းတို့ ကျဆုံး၏။

သေခြင်းတရား၏ နောင်ကွယ်၌

လွတ်မြောက်ခြင်းတို့ ကျဆုံး၏။

အရာအားလုံး၏ နောက်ကွယ်၌

ကျွန်မယုံကြည်မှုများ ကျဆုံး၏။

လရိပ်လေး( မောင်းမကန်)

၃.၃.၂၀၁၇

http://layeiklay.blogspot.com/